മിക്ക സിനിമ താരങ്ങളും ഇപ്പോൾ ഫിറ്റ്‌നസിൽ ശ്രദ്ധിക്കുന്നവരാണ്. പ്രായം കണക്കിലെടുക്കാതെയാണ് ഇന്ന് പലതാരങ്ങളും ഫിറ്റ്‌നസിന് പ്രാധാന്യം നൽകിയിരിക്കുന്നത്. പല താരങ്ങളും തങ്ങളുടെ വർക്കൗട്ടിംഗ് വീഡിയോകളും ചിത്രങ്ങളും സോഷ്യൽ മീഡിയയിൽ പങ്കുവെക്കാറുണ്ട്. ഇക്കൂട്ടത്തിൽ ഇപ്പോഴിതാ തമിഴ് നടി ജ്യോതികയും. സോഷ്യൽ മീഡിയയിലൂടെ തന്റെ വർക്കൗട്ട് വിശേഷങ്ങൾ പങ്കുവെച്ച് എത്തിയിരക്കുകയാണ് താരം. ഫിറ്റ്‌നസ് വീഡിയോകളാണ് താരം പങ്കുവെച്ചിരിക്കുന്നത്.
വിവാഹ ശേഷം ഏറെനാൾ സിനിമയിൽ നിന്ന് മാറിനിന്ന ശേഷമാണ് ജ്യോതിക വീണ്ടും സിനിമയിൽ സജീവമായത്. കുറച്ചു കൂടി ഗൗരവമായി അഭിനയത്തെയും സിനിമയെയും ജ്യോതിക ഇപ്പോൾ സമീപിക്കുന്നുവെന്നും ആരാധകർ പറയുന്നു. നാൽപത് വയസ്സിലും താരം തന്റെ സൗന്ദര്യത്തിൽ വിട്ടുവീഴ്ച ചെയ്തിട്ടില്ല എന്നുതന്നെ പറയാം. ഭർത്താവും നടനുമായ സൂര്യയുടെയും കുടുംബത്തിന്റെയും പിന്തുണ തന്നെയാണ് തന്റെ ഏറ്റവും വലിയ കരുത്തും സന്തോഷവും എന്നാണ് പലപ്പോഴും അഭിമുഖങ്ങളിലൂടെയും മറ്റും ജ്യോതിക പറയാറുള്ളത്.
ഇപ്പോഴിതാ ഭാര്യയുടെ വർക്കൗട്ട് വീഡിയോ പങ്കുവെച്ചിരിക്കുകയാണ് നടൻ സൂര്യ. ‘മൈ വണ്ടർ വുമൺ’ എന്ന അടിക്കുറിപ്പോടെയാണ് സൂര്യ ഇൻസ്റ്റ സ്റ്റോറിയായി പങ്കുവച്ചിരിക്കുന്നത്. വെയിറ്റ് ട്രെയിനിംഗ് അടക്കം കഠിനമായ വർക്കൗട്ടുകളാണ് ജ്യോതിക ചെയ്യുന്നത്. ഇതിൽ ജ്യോതികയെ അഭിനന്ദിക്കുകയും ആവേശം പകരുകയുമാണ് സൂര്യ.
