ന്യൂഡൽഹി: സമൂഹ മാദ്ധ്യമങ്ങളിൽ വൈറലായി ഇന്ത്യൻ ക്രിക്കറ്റ് ഇതിഹാസം മഹേന്ദ്രസിംഗ് ധോണിയുടെ പുതിയ വീഡിയോ. വിമാനയാത്രക്കിടെ ക്യൻഡി ക്രഷ് സാഗ കളിക്കുന്ന വീഡിയോ ആണ് ഇപ്പോൾ സമൂഹമാദ്ധ്യമങ്ങളിൽ പ്രചരിക്കുന്നത്. യാത്രക്കിടെ ആരാധകരിലാരോ പകർത്തിയ വീഡിയോ ആയിരുന്നു ഇത്. ഗെയിം കളിക്കുന്നതിനിടെ എയർ ഹോസ്റ്റസ് ധോണിയ്‌ക്ക് മധുരം നൽകുന്നതും വീഡിയോയിൽ കാണാം.
ഭാര്യ സാക്ഷിയും ധോണിക്കൊപ്പം യാത്രയിൽ ഉണ്ടായിരുന്നു. അന്താരാഷ്‌ട്ര ക്രിക്കറ്റിൽ നിന്ന് വിരമിച്ചെങ്കിലും ധോണി ഇപ്പോഴും ആരാധകർക്കിടയിൽ താരമാണ്. ചെന്നൈ സൂപ്പർ കിംഗ്‌സിന് 2023 ഐ.പി.എൽ നേടിക്കൊടുത്ത ധോണി നിലവിൽ കുടുംബത്തിനൊപ്പമാണ് സമയം ചെലവഴിക്കുന്നത്.
ധോണിയുടെ വീഡിയോ കണ്ട് ആരാധകർ ഇനി ക്യാൻഡി ക്രഷ് ഡൗൺലോഡുകളുടെ എണ്ണം വർധിക്കുമെന്നും കമന്റുകളിൽ ഉണ്ട്. ഇത്രയ്‌ക്ക് സിമ്പിൾ ആയിരുന്നോ ധോണി എന്നും കമന്റുകൾ നിറയുന്നുണ്ട്.
