1992-ൽ മമ്മൂട്ടിയെ ജോഷി സംവിധാനം ചെയ്ത് ചിത്രമാണ് കൗരവർ. ക്ലൈമാക്സ് രംഗം വരെ പ്രക്ഷകരെ ആകാംക്ഷയുടെ മുൾമുനയിൽ നിർത്തി ഒടുവിൽ അത് നിലനിർത്തി കൊണ്ട് അവസാനിച്ച ചിത്രങ്ങൾ മലയാളത്തിൽ ഏറെയാണ്. അത്തരത്തിൽ ഒരു ചിത്രമാണ് കൗരവർ എന്ന ചിത്രം. സംവിധാന മികവ്, മികച്ച തിരക്കഥ, മികവുറ്റ അഭിനയ പ്രതിഭകൾ എന്നിവയാൽ സമ്പന്നമാണ് ചിത്രം. മലയാളത്തിന്റെ സ്വകാര്യ അഹങ്കാരമായ ലോഹിതദാസാണ് ഈ ചിത്രത്തിന്റെ രചന നിർവ്വഹിച്ചിരിക്കുന്നത്. ചിത്രം അവശേഷിപ്പിച്ചു പോയ ആകാംക്ഷ അത് ഒരു വലിയ ചോദ്യചിഹ്നം തന്നെയാണ്.
ഘടനാപരമായി വളർച്ച നേടുന്ന ഒരു കഥാപാത്രമായിരുന്നു മമ്മൂട്ടിയുടെ ആൻറണി. ഗുണ്ടായിസത്തിൽ നിന്നും പിന്തിരിഞ്ഞ് സ്വസ്ഥവും സമാധാനവുമായ ഒരു കുടുംബ ജീവിതം നയിച്ച ആന്റണിക്ക് അതെല്ലാം നഷ്ടപ്പെട്ടു. പ്രതികാരദാഹിയായി വർഷങ്ങൾ നീണ്ട കാരാഗൃഹവാസം അയാളെ കൂടുതൽ പരുക്കനാക്കി മാറ്റി. തന്റെ സംഘാംഗങ്ങൾക്കൊപ്പം ജയിൽ വിമോചിതനാവുന്ന ആന്റണിക്ക് പക്ഷേ ലക്ഷ്യപ്രാപ്തിക്ക് തൊട്ടടുത്തെത്തവേ മനം മാറ്റം സംഭവിക്കുന്നു. ആ മനം മാറ്റത്തിന്റെ പിന്നിലെ രഹസ്യമാണ് കഥയുടെ ജീവൻ.
ചിത്രത്തിൽ മൂന്നു പെൺകുട്ടികളിൽ മമ്മൂട്ടി അവതരിപ്പിച്ച കഥാപാത്രത്തിന്റെ മകൾ ആരാണ് എന്നതാണ് ഇന്നും ആരാധകർ ചോദിക്കുന്ന ചോദ്യം. എന്നാൽ ചിത്രം ഇറങ്ങി അന്നു തൊട്ട് ഇന്നോളം അതൊരു ചോദ്യമായി തന്നെ അവശേഷിക്കുന്നു. പല അഭിമുഖങ്ങളിലും സംവിധായക നോടും അഭിനേതക്കളോടും ഇതിനെ കുറിച്ച് ചോദിച്ചിട്ടു ണ്ടെങ്കിലും കൃത്യമായൊരു ഉത്തരം കിട്ടിയിട്ടില്ലെന്നതാണ് യാഥാർത്ഥ്യം. എന്നാൽ കുറച്ചു നാൾ മുൻപ് ഒരു ഒൺലൈൻ യൂട്യൂബ് ചാനൽ പുറത്തുവിട്ട വീഡിയോയിൽ സിനിമയിലെ സൂചനകൾ വച്ച് മമ്മൂട്ടിയുടെ മകൾ ആരെന്ന് കണ്ടെത്താൻ ശ്രമിക്കുന്നുണ്ട്.
ശ്രീക്കുട്ടി, പാറുക്കുട്ടി, നന്ദനിക്കുട്ടി എന്നിങ്ങനെ മൂന്നുപേരിൽ സിനിമയുടെ വിവിധ സീനുകളിലായിൽ മമ്മൂട്ടിയുടെ കഥാപാത്രവുമായി കൂടുതൽ സാമ്യം അല്ലെങ്കിൽ വിവിധ സീനുകളെ അത്തരത്തിൽ ബന്ധിപ്പിക്കാൻ ശ്രമിച്ചു കൊണ്ടാണ് ആരാണ് മകൾ എന്ന ചോദ്യത്തിന് ഉത്തരം കണ്ടെത്തുന്നത്. ഒടുവിൽ മൂന്നുപേരെയും താരതമ്യം ചെയ്ത ശേഷം രുദ്ര അവതരിപ്പിച്ച ശ്രീക്കുട്ടി എന്ന കഥാപാത്രത്തെയാണ് മമ്മൂട്ടിയുടെ മകളായി കണ്ടെത്തുന്നത്. ഇതോടെ വീഡിയോയിൽ പറയുന്ന സൂചനകൾ മനസിലിട്ടു കൊണ്ട് ചിത്രം കാണുന്ന ഏതൊരാൾക്കും വീഡിയോയിൽ പറയുന്ന നിഗമനത്തിൽ തന്നെ എത്താൻ സാധിക്കും. എന്തായാലും സിനിമ പുറത്തിറങ്ങി വർഷങ്ങൾ കഴിഞ്ഞാണെ ങ്കിലും സിനിമ വെളിപ്പെടുത്താതെ പോയ ആ രഹസ്യത്തിന്റെ ഉത്തരം ഏറെക്കുറെയെങ്കിലും കണ്ടെത്താനായി എന്നു തന്നെ പറയാം.
കന്നഡ അഭിനേതാവായിരുന്ന വിഷ്ണുവർധൻ ഈ ചിത്രത്തിൽ ഒരു സഹനടന്റെ വേഷത്തിൽ അഭിനയിച്ചു. കൂടാതെ തിലകൻ, മുരളി, അഞ്ജു, ബാബു ആന്റണി, ഭീമൻ രഘു എന്നിവരും മറ്റ് പ്രധാന കഥാപാത്രങ്ങളെ അവതരിപ്പിച്ചിരിക്കുന്നു.
Comments