കൊല്ലം: കടയ്ക്കൽ താലൂക്ക് ആശുപത്രിയിൽ മൃതദേഹം മാറ്റി നൽകി. കടയ്ക്കൽ വാച്ചിക്കോണം സ്വദേശി വാമദേവന്റെ മൃതദേഹമാണ് മാറ്റി നൽകിയത്. വീട്ടിലെത്തിച്ച് സംസ്കാര ശുശ്രൂഷയ്ക്ക് മൃതദേഹം പുറത്തെടുത്തപ്പോഴാണ് ഇക്കാര്യം ബന്ധുക്കൾ അറിയുന്നത്.
ഇന്നലെ വൈകിട്ടാണ് വാമദേവൻ തിരുവനന്തപുരത്തെ ആശുപത്രിയിൽ മരണപ്പെടുന്നത്. തുടർന്ന് വിദേശത്ത് നിന്ന് ബന്ധുക്കൾ എത്തുന്നതിനായി കൊല്ലം കടയ്ക്കൽ താലുക്കാശുപത്രിയിൽ മൃതദേഹം സൂക്ഷിക്കുകയായിരുന്നു. ഇന്ന് രാവിലെ മൃതദേഹം ബന്ധുക്കൾക്ക് നൽകിയപ്പോഴാണ് ആശുപത്രിയിൽ നിന്നും വീഴ്ച സംഭവിച്ചത്.
ആശുപത്രിയ്ക്ക് സംഭവിച്ച വീഴ്ച അധികൃതർ സമ്മതിച്ചിട്ടുണ്ട്. മൃതദേഹം ബന്ധുക്കൾക്ക് നൽകുന്നതിന് മുമ്പായി ഇവരെ കാണിച്ചിരുന്നുവെന്നും പൊതിഞ്ഞു നൽകിയപ്പോൾ മാറിപ്പോയതാകാമെന്നുമാണ് ആശുപത്രി അധികൃതരുടെ വാദം. സംഭവത്തെ കുറിച്ച് അന്വേഷിക്കും എന്നും ജീവനക്കാർക്കെതിരെ നടപടിയെടുക്കുമെന്നും അധികൃതർ അറിയിച്ചു.
Comments