ദൈനംദിന ജീവിതത്തിൽ ഇപ്പോൾ ഒഴിവാക്കൻ കഴിയാത്ത ഒന്നാണ് കമ്പ്യൂട്ടർ. നിരവധി പേരാണ് ഇപ്പോൾ കമ്പ്യൂട്ടർ ഉപയോഗിച്ചുള്ള ജോലികളിൽ ഏർപ്പെടുന്നത്. ഇത്തരകാർക്ക് നിരവധി ആരോഗ്യ പ്രശ്നങ്ങൾ ഉണ്ടാകാനുള്ള സാധ്യത ഏറെയാണ്. നിരവധി പഠനങ്ങളിൽ പറയുന്നത് ഇത്തരകാർക്ക് നടുവേദന, കഴുത്ത് വേദന, കൈ വേദന തുടങ്ങിയ പ്രശ്നങ്ങൾ നേരിടേണ്ടി വരുമെന്നാണ്. ഇത് കൂടാതെ മൗസ് ഉപയോഗിക്കുന്നതിനാൽ മറ്റ് ചില പ്രശ്നങ്ങളും ഉണ്ടാകാനുള്ള സാധ്യതയുണ്ട്.
എപ്പോഴും കൈവിരലുകൾ കമ്പ്യൂട്ടർ മൗസിൽ വെക്കുന്നതിനാൽ വലത് കൈത്തണ്ടയിൽ മർദ്ദം ഉണ്ടാകുകയും ചർമ്മത്തിന്റെ നിറം കറുപ്പ് നിറമാകാനുമുള്ള സാധ്യതയുണ്ട്. പരമാവധി കൈ ഉയർത്തി മൗസ് പിടിക്കുന്നതാണ് നല്ലത്. കൂടാതെ, കൈ ചലിപ്പിക്കാതെ എപ്പോഴും മൗസിൽ
വച്ച് ജോലി ചെയ്യുന്നത് പരമാവധി ഒഴിവാക്കുന്നതാണ് നല്ലത്. കൈമുട്ട് കസേരിയൽ വച്ച് വേണം ജോലി ചെയ്യേണ്ടത്. അല്ലാത്തപക്ഷം കൈകൾക്ക് വേദനയുണ്ടാകും.
കമ്പ്യൂട്ടർ ജോലിചെയ്യുന്നവർ അനുഭവിക്കുന്ന മറ്റൊരു പ്രശ്നമാണ് കഴുത്തിലും തോളിലുമുണ്ടാകുന്ന വേദന. മൗസ് ഉപയോഗിക്കുമ്പോഴും ഈ വേദനകൾ ഉണ്ടാകാനുള്ള സാധ്യത വളരെ കൂടുതലാണ്. മൗസ് അമിതമായി ഉപയോഗിക്കുന്നതിലൂടെ സമ്മർദ്ദത്തിലേക്ക് നയിക്കുകയും വേദന കൂടുതൽ വർദ്ധിപ്പിക്കുകയും ചെയ്യുന്നു. അതുകൊണ്ട് തന്നെ മൗസും ലാപ്പ് ടോപ്പും ഉപയോഗിക്കുമ്പോൾ കൃത്യമായ ഇടവേളകളിൽ കഴുത്ത് വശങ്ങളിലേക്ക് തിരിക്കാനും തോളുകൾ സ്ട്രെച്ച് ചെയ്യാനും ശ്രമിക്കേണ്ടതാണ്.
ഇത്തരത്തിൽ ജോലി ചെയ്യുന്നവർ ആരോഗ്യപ്രശ്നങ്ങൾ ഉണ്ടാകാതിരിക്കാൻ ആവശ്യത്തിന് മുൻകരുതലുകൾ സ്വീകരിക്കേണ്ടതാണ്. ഡെസ്ക് ജോലി ചെയ്യുന്നവർക്ക് ഏറ്റവും അനുയോജ്യം വെർട്ടിക്കൽ മൗസുകളാണ്. പരന്നിരിക്കുന്ന മൗസുകളെ അപേക്ഷിച്ച് ഇവ കൂടുതൽ വേഗത്തിൽ പ്രവർത്തിക്കാൻ സഹായകമാകും. ഇത് ഉപയോഗിക്കുന്നതിലൂടെ കണങ്കൈ അമിതമായി ചലിപ്പിക്കേണ്ടി വരില്ല. കൂടാതെ, മൗസ് ഉപയോഗിച്ച് സ്ക്രോൾ ചെയ്യുമ്പോൾ കൈ നിവർന്നിരിക്കാനും ഇത് സഹായകമാകും.
