ഭാരതീയ ചലച്ചിത്രത്തിന്റെ പിതാവ് ദാദസാഹിബ് ഫാൽക്കെയുടെ മനസിൽ ഉരിത്തിരിഞ്ഞ ‘രാജ ഹരിശ്ചന്ദ്ര’ എന്ന ചലച്ചിത്രം ബോളിവുഡ് ഇൻഡസ്ട്രിയുടെ കവാടം ജനങ്ങൾക്കായി കാഴ്ചവച്ചു. അന്നുതൊട്ടിന്നുവരെ ചലച്ചിത്ര മേഖല ഉറ്റു നോക്കുന്ന ഇൻഡസ്ട്രിയാണ് ‘ ബോളിവുഡ്’. ഈ ഇൻഡസ്ട്രിയെ കീഴടക്കിയ താരങ്ങൾ നിരവധിയാണ്. അതിൽ ചില താരങ്ങളുടെ വിദ്യാഭ്യാസയോഗ്യത നമുക്കൊന്ന് നോക്കിയാലോ..?
കാജോൾ മുഖർജി ദേവ്ഗൺ
ബോളിവുഡ് ചലച്ചിത്രലോകം അടക്കി വാണിരുന്ന കാജോൾ 10-ാം ക്ലാസ് വരെയാണ് പഠിച്ചിട്ടുള്ളത്. സെന്റ് ജോസഫ് കൺവെന്റ് സ്കൂൾ പഞ്ച്ഗനിയിൽ പഠിക്കുമ്പോൾ പഠനം പാതി വഴിയിൽ നിർത്തുകയായിരുന്നു.
രൺബീർ കപൂർ
ന്യൂയോർക്കിൽ നിന്നും ചലച്ചിത്ര നിർമാണത്തിൽ ഡിപ്ലോമ എടുത്ത താരമാണ് രൺബീർ കപൂർ
കരിഷ്മ കപൂർ
കപൂർ കുടുംബത്തിലെ അംഗവും കരീന കപൂറിന്റെ മൂത്ത സഹോദരിയുമായ കരിഷ്മ കപൂർ ക്യാതെഡ്രൽ ആന്റ് ജോൺ കാനോൺ സ്കൂളിൽ നിന്നും 10-ാം ക്ലാസ് പൂർത്തിയാക്കി.
ആലിയ ഭട്ട്
ബോളിവുഡിലെ താരസുന്ദരി ജംനാഭായ് നാർസി സ്കൂളിൽ നിന്നും പ്ലസ് വൺ പൂർത്തിയാക്കി.
അർജ്ജുൻ കപൂർ
ആര്യവിദ്യ മന്ദിർ സ്കൂളിൽ നിന്നും പ്ലസ് വൺ പൂർത്തിയാക്കിയാണ് താരം ബോളിവുഡിൽ എത്തിയത്.
കരീന കപൂർ
മിതിഭായ് കോളേജിലെ പഠനം പാതി വഴിയിലുപേക്ഷിച്ചാണ് ഈ താരസുന്ദരി ബോളിവുഡ് ലോകം കീഴടക്കിയത്.
ഒരു മനുഷ്യന്റെ വിദ്യാഭ്യാസം മാത്രമല്ല അയാളെ വിലയിരുത്തുന്നതെന്നും കഴിവും ആത്മവിശ്വാസവുമുണ്ടെങ്കിൽ ലോകം വിരൽത്തുമ്പിലാക്കാം എന്നും തെളിയിക്കുന്നതാണ് ഇവർക്ക് കിട്ടിയ അംഗീകാരം.
Comments