തെന്നിന്ത്യയുടെ പ്രിയപ്പെട്ട യുവനടിമാരിൽ ഒരാളാണ് സായ് പല്ലവി. ലഭിക്കുന്ന കഥാപാത്രങ്ങളെ എല്ലാം മനോഹരമാക്കുന്ന താരം തെന്നിന്ത്യയിലെ മിക്ക ഭാഷകളിലും ഇതിനോടകം കഴിവ് തെളിയിച്ച് കഴിഞ്ഞു. നായികയായി മലയാളത്തിൽ അരങ്ങേറ്റം കുറിച്ച താരം തന്റെ നൃത്ത ചുവടുകളിലൂടെയുമാണ് ആരാധകരുടെ മനസ്സിൽ ഇടം നേടിയത്.
ഇപ്പോഴിതാ താരത്തിന്റെ പുതിയ ഇൻസ്റ്റാഗ്രാം ചിത്രങ്ങൾ ഏറ്റെടുത്തിരിക്കുകയാണ് ആരാധകർ. കാശ്മീരിന്റെ സൗന്ദര്യം മൊത്തമായി ഒപ്പിയെടുക്കുന്ന ചിത്രങ്ങളാണ് സായ് പല്ലവി പങ്കുവെച്ചിരിക്കുന്നത്. ‘മാനസ്സികാവസ്ഥ: ശാന്തം’ എന്ന ക്യാപ്ഷനോടെയാണ് താരം ചിത്രങ്ങൾ പങ്കുവെച്ചിരിക്കുന്നത്. അവധിക്കാലം ആഘോഷിക്കാൻ പോയതാണോ എന്നാണ് ആരാധകർ ചിത്രത്തിന് കമന്റായി ചോദിച്ചിരിക്കുന്നത്.
നിലവിൽ ശിവകാർത്തികേയന്റെ പുതിയ ചിത്രത്തിൽ നായികയായി അഭിനയിക്കുകയാണ് താരം. രാജുകുമാർ വലിയസ്വാമി സംവിധാനം ചെയ്യുന്ന ചിത്രത്തിന്റെ ചിത്രീകരണം കാശ്മീരിൽ പുരോഗമിക്കുകയാണ്. ഇടവേളയിൽ പകർത്തിയ താരത്തിന്റെ ചിത്രങ്ങളാണ് ഇപ്പോൾ സമൂഹ മാദ്ധ്യമങ്ങളിൽ പ്രചരിക്കുന്നത്.
Comments