ഇന്ത്യൻ റെയിൽവേയുടെ ഭാഗമാകാൻ സുവർണാവസരം. നോർത്ത് റെയിൽവേ അപ്രന്റിസ് തസ്തികകളിലേക്ക് അപേക്ഷ ക്ഷണിച്ചു ഓഗസ്റ്റ് രണ്ട് വരെ ഉദ്യോഗാർത്ഥികൾക്ക് അപേക്ഷിക്കാവുന്നതാണ്. 1104 ഒഴിവുകളിലേക്കാണ് ഇപ്പോൾ അപേക്ഷ ക്ഷണിച്ചിരിക്കുന്നത്. ഔദ്യോഗിക വെബ്സൈറ്റിലൂടെ അപേക്ഷിക്കാവുന്നതാണ്.
മെക്കാനിക്കൽ വർക്ക്ഷോപ്പ്/ ഗോരഖ്പൂർ- 411, സിഗ്നൽ വർക്ക്ഷോപ്പ്/ ഗോരഖ്പൂർ- 63, ബ്രിഡ്ജ് വർക്ക്ഷോപ്പ് /ഗോരഖ്പൂർ- 35, മെക്കാനിക്കൽ വർക്ക്ഷോപ്പ്/ ഇസത്നഗർ- 151, ഡീസൽ ഷെഡ് / ഇസത്നഗർ- 60, വാഗൺ, ഇസത്നഗർ- 64, ക്യാരേജ് & വാഗൺ / ലക്നൗ- 155, ഡീസൽ ഷെഡ് / ഗോണ്ട- 90 ,വാഗൺ /വാരണാസി- 75 എന്നിങ്ങനെയാണ് ഒഴിവുകൾ.
ഐടിഐയും ഹൈസ്കൂൾ/പത്താം ക്ലാസും 50 ശതമാനം മാർക്ക് നേടിയവരായിരിക്കണം. പ്രായപരിധി 15 മുതൽ 24 വയസ് വരെയാണ്. മെറിറ്റ് ലിസ്റ്റിനെ അടിസ്ഥാനമാക്കിയാകും തിരഞ്ഞെടുപ്പ്. പത്താം ക്ലാസ്, ഐടിഐയിൽ എ്ന്നിവിടങ്ങളിൽ നിന്ന് ലഭിച്ച മാർക്കിനെ അടിസ്ഥാനമാക്കിയാകും മെറിറ്റ് ലിസ്റ്റ് തയ്യറാക്കുക. എസ് സി, എസ് ടി, ഇഡബ്ല്യൂഎസ് സ്ത്രീകളെ എന്നിവരെ ഫീസിൽ നിന്നും ഒഴിവാക്കിയിട്ടുണ്ട്, അല്ലാത്തവർ 100 രൂപ അടയ്ക്കേണ്ടതാണ്.
