വേഷകപ്പകർച്ചകളിലൂടെ ആരാധകരെ ഞെട്ടിച്ച താരമാണ് അനുപം ഖേർ. കഥാപാത്രത്തെ അഭിനയത്തിലും ആകാരത്തിലും ഒരുപോലെ പ്രതിഫലിപ്പിക്കുന്ന താരമാണ് അദ്ദേഹം. മൻമോഹൻ സിംഗായും നാനാജി ദേശ്മുഖായും വെള്ളിത്തിരയിൽ എത്തി അദ്ദേഹം പ്രക്ഷകരെ ഞെട്ടിപ്പിച്ചിട്ടുണ്ട്. ഇപ്പോഴിതാ താരം പുതിയ വേഷപ്പകർച്ചയുമായി എത്തിയിരിക്കുകയാണ്. ഇത്തവണ രവീന്ദ്രനാഥ ടാഗോറായാണ് അദ്ദേഹം എത്തുന്നത്.
പുതിയ ചിത്രത്തിന്റെ വിശേഷങ്ങൾ അനുപം ഖേർ തന്നെയാണ് ഇൻസ്റ്റാഗ്രാമിലൂടെ പങ്കുവെച്ചത്. രവീന്ദ്രനാഥ ടാഗോറിന്റെ സർവ്വസാധാരണയായി കാണുന്ന ചിത്രത്തിലെ രൂപത്തോട് വളരെ അധികം സാദൃശ്യം തോന്നുന്ന തന്റെ ചിത്രമാണ് അനുപം ഖേർ പുറത്ത് വിട്ടിരിക്കുന്നത്. ടാഗോറാകാൻ അവസരം ലഭിച്ചത് വലിയ ഭാഗ്യാമെന്നാണ് ചിത്രം പങ്കുവെച്ചു കൊണ്ടുള്ള പോസ്റ്റിൽ അദ്ദേഹം കുറിച്ചിരിക്കുന്നത്.
ചിത്രത്തിന്റെ ഫസ്റ്റ് ലുക്ക് പോസ്റ്റർ ആരാധകർ ഇതിനോടകം ഏറ്റെടുത്തു കഴിഞ്ഞു. അവിശ്വസനീയം എന്നാണ് ചിത്രത്തിന് ലഭിച്ചിരിക്കുന്ന കമന്റുകൾ. കൂടാതെ ചിത്രത്തെ കുറിച്ചുള്ള കൂടുതൽ വിവരങ്ങൾ ഉടൻ പുറത്ത് വിടുമെന്നും അദ്ദേഹം കുറിപ്പിൽ പറഞ്ഞു.
ചിത്രത്തിൽ ആദിത്യ റോയ് കപൂർ, സാറാ അലി ഖാൻ, കൊങ്കണ സെൻ ശർമ, പങ്കജ് ത്രിപാഠി, ഫാത്തിമ സന ഷെയ്ഖ്, അലി ഫസൽ എന്നിവരും അണിനിരക്കുന്നുണ്ട്. 2024 മാർച്ചിൽ ചിത്രം പ്രദർശനത്തിനെത്തും. താരത്തിന്റെ 538- മത് ചിത്രം കൂടിയാണിത്.
