എംപ്ലോയീസ് പെൻഷൻ സ്കീമിന് (ഇപിഎസ്) കീഴിൽ ഉയർന്ന പെൻഷൻ അപേക്ഷിക്കാനുള്ള സമയപരിധി അവസാനിക്കാൻ ഇനി രണ്ട് നാൾ മാത്രം. ജൂലൈ 11 വരെയാണ് സമയപരിധി. ജീവനക്കാർക്ക് സംയുക്ത അപേക്ഷാ ഫോം സമർപ്പിക്കാനുള്ള അവസാന അവസരമാണ് ഇതെന്ന് ഇപിഎഫ്ഒ വ്യക്തമാക്കിയിട്ടുണ്ട്.നേരത്തെ ജൂൺ 26 ആയിരുന്നു സമയപരിധി.
നാലാമത്തെ തവണയാണ് അപേക്ഷ സമർപ്പിക്കാനുള്ള അവസാന തീയതി നീട്ടുന്നത്. കെവൈസി അപ്ഡേറ്റ് ചെയ്യുന്നതിലോ, സംയുക്ത ഓപ്ഷൻ നൽകുന്നതിലോ എന്തെങ്കിലും തരത്തിലുള്ള പ്രശ്നങ്ങൾ നേരിടേണ്ടി വരുന്നവർ ഉടനെ EPFiGMS- ൽ പാരതി നൽകണമെന്നും അറിയിപ്പുണ്ട്.
സുപ്രീംകോടതി വിധി പ്രകാരം 2014 സെപ്റ്റംബർ ഒന്നിന് ഇപിഎസിൽ അംഗമായ ഏതൊരു വ്യക്തിയ്ക്കും ഇപിഎഫിൽ അംഗമാകാവുന്നതാണ്. സെപ്റ്റംബർ വരെ ഇപിഎസ് അക്കൗണ്ടിലേക്ക് സജീവമായി സംഭാവന നൽകിയിട്ടുണ്ടെങ്കിലാണ് ഉയർന്ന് പെൻഷന് അപേക്ഷിക്കാൻ അർഹതയുള്ളത്. ഒരു അക്കൗണ്ട് പത്ത് വർഷത്തിലേറെയായി സജീവമാണെങ്കിൽ, ജീവനക്കാരന് ഒറ്റത്തവണ പെയ്മെന്റ് ലഭിക്കാൻ യോഗ്യനല്ലെങ്കിലും 58 വയസ് മുതൽ പെൻഷൻ ലഭിക്കും.
ഈ കാലയളവിൽ 15,000 രൂപയിൽ താഴെയായിരുന്നു ശമ്പളമെങ്കിൽ അവർക്ക് ഇപിഎസിൽ ചേരാനാകില്ല. 2014 സെപ്റ്റംബർ ഒന്നിന് മുൻപ് വിരമിക്കുകയും ഉയർന്ന പെൻഷൻ സംഭാവനകൾ തിരഞ്ഞെടുക്കാനുള്ള ഓപ്ഷൻ ഉപയോഗിക്കാതിരിക്കുകയും ചെയ്താൽ ആ ജീവനക്കാരന് ഇപിഎസിൽ ചേരാനും ഉയർന്ന പെൻഷൻ സംഭാവനകൾ തിരഞ്ഞെടുക്കാനും അർഹതയില്ല.
