ന്യൂഡൽഹി: അമർനാഥ് യാത്രയിൽ തീർത്ഥാടകർക്ക് സുരക്ഷയൊരുക്കിയ ദേശീയ ദുരന്തനിവാരണ സേനയെ അഭിനന്ദിച്ച് കേന്ദ്ര ആഭ്യന്തരമന്ത്രി അമിത് ഷാ. ഓരോ തീർത്ഥാടകരുടെയും സുരക്ഷിതത്വത്തിന്റെ വഴിവിളക്കായതിന് ദേശീയ ദുരന്തനിവാരണ സേനയെ അഭിനന്ദിക്കുന്നുതായി അദ്ദേഹം പറഞ്ഞു. ട്വിറ്ററിലൂടെയാണ് കേന്ദ്രമന്ത്രി അഭിനന്ദനം അറിയിച്ചത്.
എല്ലാ പ്രതിബന്ധങ്ങൾക്കിടയിലും രാജ്യത്തിന് വേണ്ടി സജീവമായാണ് എൻഡിആർഎഫ് സംഘം പ്രവർത്തിക്കുന്നത്. ഓരോ തീർത്ഥാടകരും സുരക്ഷിതമായി അമർനാഥ് യാത്ര നടത്തണമെന്ന കേന്ദ്ര സർക്കാരിന്റെ ആഗ്രഹം നിറവേറ്റിയതിൽ എൻഡിആർഎഫ് സംഘത്തിന്റെ പങ്ക് നിർണായകമാണെന്നും അമിത് ഷാ ട്വിറ്ററിൽ കുറിച്ചു.
The NDRF and the SDRF have always stood tall in service to the nation and humanity despite all odds. Their role has been crucial in fulfilling our goal of providing a safer Amarnath Yatra to every pilgrim. Sharing a photograph of an SDRF Jawan carrying a lady yatri on his back… pic.twitter.com/2TvjZLhnTu
— Amit Shah (@AmitShah) July 9, 2023
“>
അനുകൂല കാലാവസ്ഥയായതോടെ അമർനാഥ് യാത്ര ഇന്ന് രാവിലെ പഹൽഗാമിൽ നിന്ന് പുനരാരംഭിച്ചു. മുമ്പ് മോശം കാലാവസ്ഥയെത്തുടർന്ന് യാത്ര നിർത്തിവച്ചിരുന്നു. തീർത്ഥാടകർക്ക് യാത്രയിൽ യാതൊരുവിധ ബുദ്ധിമുട്ടുകളും ഉണ്ടാകാതിരിക്കാനായി ഭരണകൂടം എല്ലാ നടപടികളും സ്വീകരിക്കുന്നുണ്ടെന്ന് സർക്കാർ വൃത്തങ്ങൾ അറിയിച്ചു.
ജൂലൈ ഒന്നിന് ആരംഭിച്ച തീർത്ഥാടനത്തിൽ ഇതുവരെ 67,566 തീർത്ഥാടകരാണ് അമർനാഥ് ഗുഹാക്ഷേത്രം സന്ദർശിച്ചത്. വരും ദിവസങ്ങളിൽ കൂടുതൽ തീർത്ഥാടകർ ക്ഷേത്രം സന്ദർശിക്കുമെന്ന് അധികൃതർ അറിയിച്ചു. 62 ദിവസം നീണ്ടുനിൽക്കുന്ന അമർനാഥ് യാത്ര ഓഗസ്റ്റ് 31-ന് സമാപിക്കും.
Comments