ഇടുക്കി;കൈവെട്ട് കേസിലെ ശിക്ഷാവിധി തന്നെ ഒരുവിധത്തിലും ബാധിക്കില്ലെന്ന് അക്രമത്തിനിരയായ പ്രൊഫ. ടി.ജെ ജോസഫ്. നിർവികാരമായി സാക്ഷിപറയേണ്ട ഒരു പൗരന്റെ കടമ നിറവേറ്റി. അക്രമകാരികളുടെ വിശ്വാസ പ്രമാണങ്ങളാണ് നമ്മൾ ഈ ഭൂമുഖത്ത് നിന്ന് തുടച്ചു നീക്കേണ്ടത്.
പ്രാചീന വിശ്വാസം പേറി നടക്കുന്നവർ ലോകത്തിന് ഭീഷണി. അന്ധവിശ്വാസങ്ങളും ജാതീയ വ്യവസ്ഥയും ഇല്ലാത്ത ലോകമാണ് എന്റെ സ്വപ്‌നം. പ്രതികൾക്ക് എന്ത് ശിക്ഷ കിട്ടിയാലും എന്നെ ബാധിക്കില്ല. ശിക്ഷ കുറഞ്ഞോ കൂടിയോ എന്ന കാര്യം നിയമ പണ്ഡിതന്മാർ ചർച്ച ചെയ്യണം. പ്രത്യേകിച്ച് വികാരഭേതങ്ങളില്ല.
വിധി പ്രസ്താവം തീവ്രവാദത്തിന് ശമനമുണ്ടാക്കുമോ എന്ന കാര്യം രാഷ്‌ട്രീയ നിരീക്ഷകർ പരിശോധിക്കട്ടെ. തനിക്ക് ഭീഷണിയുണ്ടായിരുന്നപ്പോൾ മൂന്നു തവണ പരാതി നൽകിയിട്ടും പോലീസ് സംരക്ഷണമൊരുക്കിയില്ല. ഇവിടത്തെ സർക്കാരിന് വീഴ്ചപ്പറ്റി. നഷ്ടപരിഹാരം സർക്കാർ നൽകേണ്ടതാണ് അവർ തീരുമാനിക്കട്ടെയെന്നും ടി.ജെ ജോസഫ് പറഞ്ഞു.
