നിത്യജീവിതത്തിൽ പലരും നേരിടുന്ന പ്രശ്നമാണ് കുടവയറും അമിത വണ്ണവും. ഇഷ്ട ഭക്ഷണങ്ങൽ കഴിക്കുന്നതിലൂടെ ശരീരത്തിൽ കൊഴുപ്പ് അടിഞ്ഞ് കൂടുന്ന പ്രശ്നങ്ങൾ പരിഹരിക്കാൻ പലതരത്തിലുള്ള മാർഗ്ഗങ്ങൾ നമ്മൾ സ്വീകരിക്കാറുണ്ട്. വയറിലെ കൊഴുപ്പ് കുറയ്ക്കാനും ശരീരഭാരം നിയന്ത്രിക്കാനും ആദ്യം ആരോഗ്യകരമായ ഭക്ഷണശീലവും ചിട്ടയായ ജീവിതശൈലിയും കെട്ടിപ്പടുത്തുകയാണ് വേണ്ടത്.
ശരീരഭാരം കുറയ്ക്കാൻ ആഗ്രഹിക്കുന്നവർ നിർബന്ധമായും പ്രഭാത ഭക്ഷണം കഴിച്ചിരിക്കണം. പ്രഭാത ഭക്ഷണം മുടക്കിയാൽ ഏതാനും മണിക്കൂറുകൾ കഴിയുമ്പോൾ വിശപ്പ് കൂടുതലായി അനുഭവപ്പെടുകയും ചെയ്യും. ഇത് അമിതാഹാരം കഴിക്കുന്നതിനും തന്മൂലം അമിതവണ്ണത്തിനും കാരണമാവും. അടിവയറ്റിലെ കൊഴുപ്പിനെ പുറംതള്ളാനും ശരീരഭാരം കുറയ്ക്കാനും ഒഴിവാക്കേണ്ടുന്ന ഭക്ഷണ പദാർത്ഥങ്ങൾ ഇവയാണ്.
മുട്ട
മുട്ടയാണ് ആദ്യമായി ഇക്കൂട്ടത്തിൽപ്പെടുത്തേണ്ടുന്നത്. മുട്ടയ്ക്ക് വയറിലെ കൊഴുപ്പ് കുറയ്ക്കാനും അമിതവണ്ണം കുറയ്ക്കാനും സഹായിക്കും. ഇതിനെല്ലാം ഉപരി മുട്ട പ്രോട്ടീനുകളുടെ കലവറ കൂടിയാണ്. രാവിലെ കഴിക്കുന്ന ഭക്ഷണത്തിനൊപ്പം മുട്ട കൂടി ഉൾപ്പെടുത്തണം. രാവിലെ ഒരു മുട്ട കഴിക്കുന്നതിലൂടെ ശരീര ഊർജ്ജം നിലനിർത്താനും സാധിക്കും. കൂടാതെ കലോറി വളരെ കുറവുമായതിനാൽ വണ്ണം കുറയ്ക്കാൻ ആഗ്രഹിക്കുന്നവർക്ക് മുട്ട കഴിക്കുന്നത് ഗുണം ചെയ്യും.
നേന്ത്രപ്പഴം
മുട്ട കഴിഞ്ഞാൽ രണ്ടാമതായി ഉൾപ്പെടുത്താവുന്ന ഒന്നാണ് നേന്ത്രപ്പഴം. നേന്ത്രപ്പഴത്തിലും ശരീരത്തിന് ആവശ്യമായ ഫൈബറുകൾ ധാരാളം അടങ്ങിയിട്ടുണ്ട്. മാത്രവുമല്ല ഒരു നേന്ത്രപ്പഴം കഴിക്കുന്നതിലൂടെ ഒരു പരിധിവരെ വിശപ്പകറ്റാനും സാധിക്കും. ഒപ്പം ദഹനപ്രകൃയ കൃത്യമായി നടക്കാനും കുടവയർ കുറഞ്ഞു തുടങ്ങാനും ഇത് സഹായിക്കും. കൂടതെ ശരീരത്തിനാവശ്യമായ ബാക്ടീരിയകളുടെ വർദ്ധനയ്ക്കും പഴം കഴിക്കുന്നത് സഹായിക്കും. കൂടാതെ മറ്റു ഭക്ഷണങ്ങൾ കഴിക്കുമ്പോൾ ഉണ്ടാകുന്ന അമിത കലോറി കുറയ്ക്കാനും പഴത്തിന് സാധിക്കും.
ഉപ്പുമാവ്
പ്രഭാതഭക്ഷണത്തിന് ഏറ്റവും നല്ല വിഭവം ഉപ്പുമാവാണ്. വയറ് കുറക്കാൻ ഉദ്ദേശിക്കുന്നവർക്ക് ഉപ്പുമാവ് വളരെ നല്ലതാണ്. ഉപ്പുമാവ് ഫൈബറിനാൽ സമ്പന്നവും ഫാറ്റ് കുറഞ്ഞതുമാണ്.
തൈര്
പ്രോട്ടീൻ കുറവായതിനാൽ തൈര് ശരീരഭാരം കുറക്കാൻ സഹായിക്കും. കൂടാതെ അസിഡിറ്റി പ്രശ്നങ്ങൾ ഇല്ലാത്തവർക്ക് തൈര് വളരെ നല്ലതാണ്. ശരീരത്തിൽ അടിഞ്ഞ് കിടക്കുന്ന കൊഴുപ്പ് കുറയ്ക്കാൻ തൈര് സഹായിക്കും. നൂറ് ഗ്രാം തൈരിൽ 56 കലോറി മാത്രമാണ് അടങ്ങിയിട്ടുള്ളത്.
ഓട്സ്
ശരീരഭാരം കുറക്കാൻ ആഗ്രഹിക്കുന്നവർക്ക് കഴിക്കാവുന്ന ഏറ്റവും നല്ല ആഹാരമാണ് ഓട്സ്. ഒരു കപ്പ് ഓട്സിൽ 7.5 ഗ്രാം ഫൈബർ അടങ്ങിയിട്ടുണ്ട്. കൂടാതെ ഒരു ഹൈ പ്രോട്ടീൻ ബ്രേക്ക്ഫാസ്റ്റ് കൂടിയാണ് ഓട്സ്. കൂടാതെ ചെറിയ അളവിൽ ഓട്സ് കഴിച്ചാൽ നല്ല രീതിയിൽ വിശപ്പകറ്റാൻ സാധിക്കും.
മുളപ്പിച്ച ധാന്യങ്ങൾ
രാവിലെ മുളപ്പിച്ച ധാന്യങ്ങളും പയറുവർഗങ്ങളും കഴിക്കുന്നത് വളരെ ഉത്തമമാണ്. ശരീരഭാരം നിയന്ത്രിക്കാൻ സഹായിക്കും. മഗ്നീഷ്യവും പ്രോട്ടീനുകളും നാരുകളും ഇവയിൽ ധാരാളമായി അടങ്ങിയിട്ടുണ്ട്.
നട്സ്
നട്സുകളാണ് മറ്റൊരു വിഭവം. നട്സിൽ ധാരാളം നാരുകൾ, പ്രോട്ടീൻ, ആരോഗ്യകരമായ കൊഴുപ്പുകൾ എന്നിവ ധാരാളം അടങ്ങിയിട്ടുണ്ട്. അതിനാൽ ഇവ രാവിലെ കഴിക്കുന്നത് വിശപ്പ് കുറയ്ക്കാനും അതുവഴി വണ്ണം കുറയ്ക്കാനും സഹായിക്കും.
