ഡൽഹി: ജാതി അധിക്ഷേപക്കേസിൽ രാഹുൽ ഗാന്ധി സുപ്രീം കോടതിയെ സമീപിച്ചു. ശിക്ഷാവിധി സ്റ്റേ ചെയ്യാൻ വിസമ്മതിച്ച ഗുജറാത്ത് ഹൈക്കോടതി വിധിക്കെതിരെയാണ് രാഹുൽ ഗാന്ധി അപ്പീൽ സമർപ്പിച്ചത്. സൂറത്ത് മജിസ്ട്രേറ്റ് കോടതി വിധി സ്റ്റേ ചെയ്യണമെന്ന രാഹുലിന്റെ ആവശ്യം ഗുജറാത്ത് ഹൈക്കോടതി തള്ളിയിരുന്നു.
രാഹുൽ നിരന്തരം സമാനമായ കുറ്റങ്ങൾ ചെയ്യുന്നവെന്നും വീർസവർക്കറുടെ ചെറുമകൻ നൽകിയ കേസ് പരാമർശിച്ച് ഹൈക്കോടതി കുറ്റപ്പെടുത്തിയിരുന്നു. നിലനിൽക്കാത്ത കാരണങ്ങൾ ചൂണ്ടിക്കാട്ടിയാണ് രാഹുൽ ഗാന്ധി സ്റ്റേ ആവശ്യം ഉന്നയിച്ചതെന്നും രാഷ്ട്രീയത്തിൽ പരിശുദ്ധി ആവശ്യമാണെന്നും ഗുജറാത്ത് ഹൈക്കോടതി ജഡ്ജി ഹേമന്ദ് പ്രച്ഛക്ക്കാണ് പറഞ്ഞിരുന്നു.
2019ൽ കോലാറിൽ നടത്തിയ പ്രസംഗത്തിലെ മോദി പരാമർശത്തിനാണ് രാഹുൽ ഗാന്ധിക്ക് സൂറത്ത് സി.ജെ.എം കോടതി രണ്ടു വർഷം തടവുശിക്ഷ വിധിച്ചത്. പിന്നാലെ രാഹുൽ ഗാന്ധി എം.പി സ്ഥാനത്തുനിന്ന് അയോഗ്യനാക്കപ്പെട്ടു.
