ഒരു ലക്ഷം രൂപയോളം വിലമതിക്കുന്ന ക്യാമറ ലെൻസ് ഓർഡർ ചെയ്ത യുവാവിന് ആമസോണിൽ നിന്നും ലഭിച്ചത് കടല വിത്തുകൾ. ഓൺലൈനായി സാധനങ്ങൾ വിൽക്കുമ്പോഴും വാങ്ങുമ്പോഴും പലവിധ പ്രശ്നങ്ങൾ റിപ്പോർട്ട് ചെയ്യുന്നത് പതിവാണെന്നിരിക്കെയാണ് പുതിയ സംഭവം. 90,000 രൂപയുടെ ക്യാമറ ലെൻസ് ഓർഡർ ചെയ്ത അരുൺ കുമാറിന് ഒരു പാക്കറ്റ് നിറയെ ക്വിനോവ സീഡുകളാണ് ലഭിച്ചത്. സ്പെയിനിൽ കണ്ടുവരുന്ന പ്രത്യേക തരം കടല വിത്തുകളാണ് ക്വിനോവ സീഡ്സ്.
സിഗ്മ 24-70 എഫ് 2.8 ലെൻസായിരുന്നു യുവാവ് ഓർഡർ ചെയ്തത്. ജൂലൈ അഞ്ചിനായിരുന്നു സംഭവം. പിറ്റേന്ന് തന്നെ ഡെലിവറി എത്തുകയും ചെയ്തിരുന്നു. എന്നാൽ ബോക്സ് തുറന്നുനോക്കിയപ്പോഴാണ് തട്ടിപ്പ് സംഭവിച്ചത് യുവാവ് തിരിച്ചറിയുന്നത്. ഇക്കാര്യം ആമസോണിനെ ടാഗ് ചെയ്ത് അദ്ദേഹം ട്വിറ്ററിൽ വിശദമായി പോസ്റ്റ് ചെയ്തു.
Ordered a 90K INR Camera lens from Amazon, they have sent a lens box with a packet of quinoa seeds inside instead of the lens. Big scam by @amazonIN and Appario Retail. The lens box was also opened. Solve it asap. pic.twitter.com/oED7DG18mn
— Arun Kumar Meher (@arunkmeher) July 6, 2023
“>
സംഭവത്തിൽ അന്വേഷണം ആരംഭിച്ചുവെന്നും ലെൻസിന് പകരം കടല വിത്തുകൾ വന്നത് എപ്രകാരമാണെന്ന് കണ്ടെത്തുമെന്നും ആമസോൺ അറിയിച്ചുവെന്ന് യുവാവ് പറയുന്നു. എത്രയും പെട്ടെന്ന് തനിക്ക് ലെൻസ് എത്തിക്കുകയോ പൈസ തിരിച്ചുതരികയോ ചെയ്യണമെന്നാണ് യുവാവിന്റെ ആവശ്യം.
