പല പല ശീലങ്ങളുള്ള ആളുകളാണ് നമുക്ക് ചുറ്റും വസിക്കുന്നത്. ചില ആളുകൾക്ക് പല്ലു തേയ്ക്കുന്നതിന് മുന്നേ ഒരു കപ്പ് ചായ നിർബന്ധമായിരിക്കും. അതുപോലെ തന്നെ കുളി കഴിഞ്ഞ് പല്ലു തേയ്ക്കുന്നവരും നമുക്കിടയിൽ കാണും. കുളി കഴിഞ്ഞ് പല്ലു തേയ്ക്കുന്നവരാണെങ്കിൽ നിങ്ങൾ കരുതി ഇരുന്നോളൂ. മുഖക്കുരു വരാനുള്ള സാദ്ധ്യത നിങ്ങളിൽ കൂടുതലാണ്.
ഭൂരിപക്ഷം ആളുകളെയും അലട്ടുന്ന വലിയൊരു പ്രശ്നമാണ് മുഖക്കുരു. അമിതമായി എണ്ണ പലഹാരങ്ങൾ കഴിക്കുമ്പോഴോ, ബാക്ടീരിയ, ഫംഗസ് രോഗാണുക്കൾ മൂലമോ മുഖക്കുരുക്കൾ വരാം..
എന്നാൽ അടുത്തിടെ പുറത്തിറങ്ങിയ പഠനങ്ങൾ പ്രകാരം കുളി കഴിഞ്ഞാണ് പല്ല് തേയ്ക്കുന്നതെങ്കിലും മുഖക്കുരു വരാനുള്ള സാദ്ധ്യത ഏറെയാണ്. പല്ലു തേയ്ക്കുന്നതും മുഖക്കുരുവും തമ്മിൽ എന്താണ് ബന്ധമുള്ളതെന്നാവും നിങ്ങൾ കരുതുന്നത്. എന്നാൽ ബന്ധമുണ്ട്.
കുളി കഴിഞ്ഞാണ് നമ്മൾ പല്ലുതേയ്ക്കുന്നതെങ്കിൽ വായയിൽ നിന്നും ബാക്ടീരിയപോലുള്ള രോഗണുക്കൾ നമ്മുടെ ചർമത്തിൽ പ്രവേശിക്കുകയും ചർമം പൊട്ടാൻ ഇടയാവുകയും ചെയ്യുന്നു. അതിനാൽ കുളിക്കുന്നതിന് മുന്നേ പല്ലു തേയ്ക്കണമെന്നാണ് വിദഗ്ധർ നിർദ്ദേശിക്കുന്നത്. ഇങ്ങനെ ചെയ്താൽ പല്ലു തേയ്ച്ച് കഴിഞ്ഞും താടിയിലും ചുറ്റുമുള്ള പ്രദേശത്തും ബാക്ടീരിയയോ, ടൂത്ത് പേസ്റ്റിന്റെ പതയോ മറ്റും ഇരിക്കുന്നുണ്ടെങ്കിൽ കുളിക്കുമ്പോൾ കഴുകിപ്പോവുമെന്നാണ് വിദഗ്ധർ പറയുന്നത്.
നല്ല ശീലങ്ങൾ നിലനിർത്താം..
1. കൈകൾ വൃത്തിയായി കഴുകുക
മുഖത്ത് സ്പർശിക്കുന്നതിനും സൗന്ദര്യവർദ്ധക വസ്തുക്കൾ പുരട്ടുന്നതിന് മുമ്പും കൈകൾ നന്നായി വൃത്തിയാക്കുക.
2.വായ നന്നായി കഴുകുക
പല്ല് തേച്ചതിന് ശേഷം, ടൂത്ത് പേസ്റ്റിന്റെ അംശം നീക്കം ചെയ്യുവാൻ വായ നന്നായി കഴുകുക. ടൂത്ത് പേസ്റ്റിന്റെ അംശം വായയിൽ രോഗാണുക്കൾ വർദ്ധിക്കുന്നതിന് കാരണമാകുന്നു.
3.മുഖം വൃത്തിയായി സൂക്ഷിക്കുക
പല ആളുകൾക്കും പല തരത്തിലുള്ള സ്കിൻ ടൈപ്പാണുള്ളത്. ഹോർമോണിൽ വരുന്ന വ്യത്യാസങ്ങൾ, മറ്റു ഘടകങ്ങൾ എന്നിവ സ്വാധീനിച്ചായിരിക്കും നിങ്ങളുടെ സ്കിൻ ടൈപ്പ്. സൗന്ദര്യ വർദ്ധക വസ്തുക്കൾ ഉപയോഗിക്കുന്ന ആളാണ് നിങ്ങളെങ്കിൽ സ്കിൻ ടൈപ്പിന് ഉചിതമായത് തിരഞ്ഞെടുത്ത് ഉപയോഗിക്കുക.
