യുകെയിൽ നടന്ന അവാർഡ് നിശയുടെ ഭാഗമാകുന്നതിനായി മഞ്ജു വാര്യര്, കുഞ്ചാക്കോ ബോബന്, രമേശ് പിഷാരടി എന്നിവര് ഒത്തുചേര്ന്നിരുന്നു. അവാര്ഡ് നിശയ്ക്ക് ശേഷം ഇതിന്റെ ചിത്രങ്ങൾ സോഷ്യൽ മീഡിയയിലൂടെ താരങ്ങൾ പങ്കുവെച്ചിരുന്നു. ഇപ്പോഴിതാ മറ്റൊരു രാജ്യത്തുനിന്ന് അപ്രതീക്ഷിതമായി സംഭവിച്ച കൂടിക്കാഴ്ചയുടെ സന്തോഷം പങ്കുവെച്ചിരിക്കുകയാണ് മലയാളി താരങ്ങള്.
https://www.instagram.com/p/CuuwUaFMY3D/?img_index=2
മോഹൻലാലിനൊപ്പമുള്ള ഫോട്ടോയാണ് പങ്കുവെച്ചിരിക്കുന്നത്. പാരീസില് വച്ചാണ് മഞ്ജു വാര്യരും ചാക്കോച്ചനും രമേശ് പിഷാരടിയും മോഹന്ലാലിനെ കണ്ടുമുട്ടിയത്. ഇതിന്റെ ചിത്രം മൂവരും തങ്ങളുടെ സോഷ്യല് മീഡിയയിലൂടെ പങ്കുവെച്ചിട്ടുണ്ട്. എന്നാൽ കുഞ്ചാക്കോ ബോബൻ പങ്കുവെച്ച ഒരു വീഡിയോയാണ് ഇപ്പോൾ സമൂഹമാദ്ധ്യമങ്ങളിൽ വൈറലാകുന്നത്. മകൻ ഇസഹാക്കിനെ മോഹൻലാല് പകര്ത്തുന്നതിന്റെ വീഡിയോയും പങ്കുവെച്ച് ക്യാപ്ഷനായി മാജിക്കല് മൊമന്റ്സ് വിത്ത് ദ മജിഷ്യൻ എന്നാണ് ചാക്കോച്ചൻ കുറിച്ചിരിക്കുന്നത്.
കഴിഞ്ഞ ദിവസമാണ് മോഹന്ലാല് ലണ്ടനിലെത്തിയത്. തുടർന്ന് വിംബിള്ഡണ് വനിതാ സെമിഫൈനല് മത്സരം കാണാന് പോയിരുന്നു. അദ്ദേഹം നായകനാവുന്ന പാന് ഇന്ത്യന് ചിത്രം വൃഷഭയുടെ ചിത്രീകരണം ആരംഭിക്കുന്നതും ലണ്ടനില് വെച്ചാണെന്നാണ് റിപ്പോര്ട്ടുകള്. സിമ്രാനും മോഹൻലാലിനൊപ്പം ചിത്രത്തില് പ്രധാന കഥാപാത്രമായി ഉണ്ടാകുമെന്ന് റിപ്പോര്ട്ടുണ്ടായിരുന്നു നന്ദ കിഷോറാണ് ചിത്രത്തിന്റെ സംവിധാനം. ആക്ഷനും ഇമോഷനും ചേര്ന്ന ബഹുഭാഷ ചിത്രമായിരിക്കും ഇത് എന്ന് മോഹൻലാല് തന്നെ നേരത്തെ വ്യക്തമാക്കിയിരുന്നു.
മാഞ്ചസ്റ്ററിൽ സംഘടിപ്പിച്ച ആനന്ദ് ടിവിയുടെ അവാർഡ് നിശയിൽ പങ്കെടുക്കാൻ നിരവധി മലയാള താരങ്ങൾ എത്തിയിരുന്നു. മഞ്ജു വാര്യർ മികച്ച നടിയ്ക്കുള്ള പുരസ്കാരവും, കുഞ്ചാക്കോ ബോബൻ മികച്ച നടനുള്ള പുരസ്കാരവും രമേശ് പിഷാരടി മികച്ച സ്വഭാവ നടനുമുള്ള അംഗീകാരവും കരസ്ഥമാക്കി. മമ്മൂട്ടി, ഭാര്യ സുൽഫത്ത്, ടൊവിനോ തുടങ്ങിയവരും ചടങ്ങിൽ പങ്കെടുത്തിരുന്നു. കുഞ്ചാക്കോ ബോബനൊപ്പം ഭാര്യ പ്രിയ, മകൻ ഇസഹാക്കും ഉണ്ടായിരുന്നു.
Comments