ബാലതാരമായി മലയാള സിനിമയിൽ എത്തിയ താരമായിരുന്നു ബൈജു സന്തോഷ്. ഇന്ന് മലയാള സിനിമയ്ക്ക് മാറ്റി നിർത്താൻ കഴിയാത്ത താരം കൂടിയാണ് ബൈജു. സിനിമയിൽ ഒരു ചെറിയ ഇടവേളയെടുത്തെങ്കിലും തിരിച്ചുവരവിൽ താരത്തെ ഇരുകൈകളും നീട്ടിയാണ് ആരാധകർ സ്വീകരിച്ചത്.
മലയാളത്തിന്റെ തഗ്ഗ് സ്റ്റാർ എന്നാണ് ബൈജുവിനെ ആരാധകർ വിളിക്കുന്നത്. ഇപ്പോഴിതാ കരിയറിലെ ആദ്യകാല ചിത്രങ്ങളിലൊന്നിന്റെ സെറ്റില് നിന്നുള്ള ഒരു അപൂര്വ്വ ചിത്രം പങ്കുവച്ചിരിക്കുകയാണ് ബൈജു. മലയാളത്തിന്റെ നടന വിസ്മയം മോഹന്ലാലിനൊപ്പം നില്ക്കുന്ന ഒരു ബ്ലാക്ക് ആന്ഡ് വൈറ്റ് ചിത്രമാണ് വെെറലാകുന്നത്.
ബാലചന്ദ്രമേനോൻ സംവിധാനവും രചനയും നിര്വ്വഹിച്ച് രാജു മാത്യു നിർമ്മിച്ച 1982 ൽ പുറത്തിറങ്ങിയ കേൾക്കാത്ത ശബ്ദം എന്ന ചിത്രത്തിന്റെ സെറ്റില് നിന്നുള്ള ചിത്രമാണ് ഇത്. ചിത്രത്തില് മോഹന്ലാല് അവതരിപ്പിച്ച കഥാപാത്രത്തിന്റെ പേര് ബാബു എന്നായിരുന്നു. ബൈജുവിന്റെ കഥാപാത്രത്തിന്റെ പേര് രവിക്കുട്ടന് എന്നും. ബൈജു ചിത്രം പങ്കുവച്ചതിന് പിന്നാലെ സോഷ്യല് മീഡിയയില് വലിയ പ്രതികരണമാണ് ലഭിക്കുന്നത്.
മാത്രമല്ല കേള്ക്കാത്ത ശബ്ദം പുറത്തിറങ്ങിയതിന് തൊട്ടു മുന്പത്തെ വര്ഷവും ഒരു ബാലചന്ദ്രമേനോന് ചിത്രത്തില് ബൈജു അഭിനയിച്ചിരുന്നു. മണിയന്പിള്ള അഥവാ മണിയന്പിള്ള എന്ന ചിത്രമായിരുന്നു അത്. അന്നുമുതൽ കരിയറില് ഉടനീളം മോഹന്ലാലിനൊപ്പം നിരവധി ചിത്രങ്ങളിലാണ് ബൈജു അഭിനയിച്ചിട്ടുള്ളത്. ലൂസിഫര് ആയിരുന്നു മോഹന്ലാല് ചിത്രങ്ങളില് സമീപകാലത്ത് അദ്ദേഹം അവതരിപ്പിച്ച ഒരു ശ്രദ്ധേയ കഥാപാത്രം.
