ന്യൂഡൽഹി: ഭീകരനേതാവും പിഡിപി ചെയർമാനുമായ അബ്ദുൾ നാസർ മഅദനിക്ക് ജാമ്യവ്യവസ്ഥയിൽ ഇളവ് നൽകി സുപ്രീം കോടതി. ചികിത്സയ്ക്ക് വേണ്ടി നാട്ടിലേക്ക് മടങ്ങാനാണ് സുപ്രീം കോടതി അനുമതി നൽകിയത്. സ്വദേശമായ കൊല്ലത്തേക്ക് പോകാമെന്നും 15 ദിവസം കൂടുമ്പോൾ സമീപത്തെ പോലീസ് സ്‌റ്റേഷനിൽ ഹാജരാകണമെന്നുമാണ് സുപ്രീം കോടതിയുടെ നിർദേശം. ഇതുസംബന്ധിച്ച റിപ്പോർട്ട് കർണാടക പോലീസിന് നൽകണമെന്നും സുപ്രീം കോടതി നിർദേശിച്ചു. ആയുർവേദ ചികിത്സയ്ക്ക് വേണ്ടി കേരളത്തിൽ പോകേണ്ടതുണ്ടെന്നും അതിനാൽ ചികിത്സയ്ക്ക് ബെംഗളൂരുവിൽ തുടരാനാകില്ലെന്നുമുള്ള മഅദനിയുടെ ഹർജിയിലാണ് സുപ്രീംകോടതി അനുമതി നൽകിയിരിക്കുന്നത്.
Comments