നടൻ സുരേഷ് ഗോപിയുടെയും രാധികയുടെയും മകൾ ഭാഗ്യ സുരേഷിന്റെ വിവാഹ നിശ്ചയം രണ്ട് ദിവസം മുമ്പായിരുന്നു. വീട്ടിൽ വച്ച് വളരെ ലളിതമായി നടന്ന ചടങ്ങിന്റെ ചിത്രങ്ങൾ സമൂഹമാദ്ധ്യമങ്ങളിൽ നിമിഷ നേരങ്ങൾക്കുള്ളിൽ തന്നെ വൈറലായിരുന്നു. ആർഭാടമായി നടത്തുന്ന താര പുത്രി-പുത്രന്മാരുടെ വിവാഹാഘോഷങ്ങളിൽ നിന്നും തികച്ചും വ്യത്യസ്തമായിരുന്നു ഭാഗ്യയുടെ നിശ്ചയം.
വിവാഹ നിശ്ചയശേഷം സുരേഷ്ഗോപിയുടെ ഭാവി മരുമകനെക്കറിച്ചുള്ള ചർച്ചകളാണ് സമൂഹമാദ്ധ്യമങ്ങളിൽ.
വിവാഹ നിശ്ചയ ചടങ്ങിന്റെ അധികം ഫോട്ടോകൾ പുറത്ത് വന്നിരുന്നില്ല. എന്നാൽ ഇപ്പോഴിതാ, ഭാഗ്യയുടെ ഭാവി വരനെ കുറിച്ചുള്ള വിവരങ്ങളും ഫോട്ടോകളും പുറത്തുവന്നിരിക്കുകയാണ്. ശ്രേയസ് മോഹൻ എന്നാണ് വരന്റെ പേര്. മാവേലിക്കര സ്വദേശികളായ മോഹന്റെയും ശ്രീദേവിയുടെയും മകനാണ്. ബിസിനസ്സുകാരനാണ്.
മുടി നീട്ടി വളർത്തി അടിപൊളി ലുക്കിലുള്ള നിരവധി ഫോട്ടോകളാണ് പുറത്ത് വന്നിരിക്കുന്നത്. ചിത്രങ്ങളിൽ നിന്നു തന്നെ യാത്രകൾ ഒരുപാടിഷ്ടമുള്ളയാളാണ് ശ്രേയസെന്ന് വ്യക്തം.
ഭാഗ്യയുടെ വിവാഹം അടുത്ത വർഷം ജനുവരി 17-ന് നടക്കും. ഗുരുവായൂരിൽവെച്ചായിരിക്കും വിവാഹ ചടങ്ങുകൾ നടക്കുക എന്നാണ് പുറത്തു വരുന്ന വിവരം. ഇതിന് ശേഷം തിരുവനന്തപുരം ഗ്രീൻഫീൽഡ് സ്റ്റേഡിയത്തിൽ ജനുവരി 20-ന് റിസപ്ഷനും നടക്കുമെന്നാണ് റിപ്പോർട്ട്.
Comments