മണിക്കൂറിൽ 565 കിലോമീറ്റർ വേഗത്തിൽ സ്മാഷ് ചെയ്ത് ലോക റെക്കോർഡ് സ്വന്തമാക്കി ഇന്ത്യൻ ബാഡ്മിന്റൺ താരം സാത്വിക് സായ്രാജ് റങ്കിറെഡ്ഡി. ലോകത്തിൽ ഏറ്റവും വേഗത്തിൽ സ്മാഷ് ചെയ്ത് പുരുഷ ബാഡ്മിന്റൺ താരമെന്ന ഗിന്നസ് ലോക റെക്കോർഡാണ് സാത്വിക് സ്വന്തമാക്കിയത്. കൊറിയ ഓപ്പൺ സ്പോർട്സിലാണ് റെക്കോർഡ് പിറന്നത്.
മലേഷ്യൻ താരമായ ടാൻ ബൂൺ ഹിയോംഗിന്റെ ഒരു പതിറ്റാണ്ട് നീണ്ട റെക്കോർഡാണ് ഇന്ന് ഇന്ത്യൻ താരം തകർത്തത്. മണിക്കൂറിൽ 493 കിലോമീറ്റർ വേഗതയിലുള്ള സ്മാഷ് റെക്കോർഡ് പിറന്നത് 2013-ലായിരുന്നു. സ്പോർട്സ് കമ്പനിയായ യോനക്സാണ് സാത്വികിന്റെ ഗിന്നസ് പ്രവേശന വാർത്ത പുറത്തുവിട്ടത്.
വനിതാ താരങ്ങളിൽ ഏറ്റവും വേഗത്തിൽ സമാഷ് ചെയ്തതിന്റെ റെക്കോർഡും ഇന്ന് പിറന്നു. മലേഷ്യയുടെ ടാൻ പേളിയാണ് മണിക്കൂറിൽ 438 കിലോമീറ്റർ വേഗതയിൽ സ്മാഷ് ചെയ്തത്. ഗിന്നസ് ലോക റെക്കോർഡ് സ്ഥാപിച്ച വിവരം അഭിമാനത്തോടെ പങ്കുവെയ്ക്കുന്നുവെന്നാണ് യോനക്സ് കുറിച്ചത്.
Comments