ന്യൂഡൽഹി: ഇന്ത്യൻ കോസ്റ്റ് ഗാർഡിന്റെ 25-ാമത് ഡയറക്ടർ ജനറലായി മുതിർന്ന ഉദ്യോഗസ്ഥനായ രാകേഷ് പാൽ നിയമിതനായി. കഴിഞ്ഞ ദിവസമാണ് ഇത് സംബന്ധിച്ച ഉത്തരവ് പ്രതിരോധമന്ത്രാലയം പുറത്തിറക്കിയത്. ഉത്തർപ്രദേശിൽ നിന്നുള്ള രാകേഷ് പാല് ഇന്ത്യൻ നേവൽ അക്കാദമിയിലെ പൂർവ്വ വിദ്യാർത്ഥിയാണ്. 34 വർഷത്തെ ഔദ്യോഗിക സേവനത്തിന്റെ തുടർച്ചയായാണ് കോസ്റ്റ് ഗാർഡിന്റെ ഡയറക്ടർ ജനറൽ പദവിയിലെത്തുന്നത്.
2022 ഫെബ്രുവരി മുതൽ അഡീഷണൽ ഡയറക്ടർ ജനറലായി കോസ്റ്റ് ഗാർഡ് ആസ്ഥാനത്ത് പ്രവർത്തിച്ചുവരികയായിരുന്നു അദ്ദേഹം. 2023 ഫെബ്രുവരിയിൽ കോസ്റ്റ് ഗാർഡ് ഡയറക്ടർ ജനറലിന്റെ അധികച്ചുമതലയും ലഭിച്ചു. ഇന്ത്യൻ നേവൽ അക്കാദമിയിലെ പൂർവ വിദ്യാർഥിയായ രാകേഷ് പാൽ 1989 ജനുവരിയിലാണ് കോസ്റ്റ് ഗാർഡിൽ ചേരുന്നത്.
കൊച്ചിയിലെ നാവികപഠനകേന്ദ്രമായ ഐ.എൻ.എസ്. ദ്രോണാചാര്യയിൽനിന്ന് പരിശീലനം നേടി. കോസ്റ്റ്ഗാർഡ് നോർത്ത് വെസ്റ്റ് റീജിയൻ ഡെപ്യൂട്ടി ഡയറക്ടർ ജനറൽ (പോളിസി ആൻഡ് പ്ലാൻ) പദവിയും വഹിച്ചിട്ടുണ്ട്.
