കാർ വിപണിയിലെ പ്രമുഖ നിർമ്മാതാക്കളാണ് ഹ്യുണ്ടായ്. നിരവധി വാഹനങ്ങളാണ് ഹ്യൂണ്ടായ് രാജ്യത്ത് വിൽപന നടത്തുന്നത്. ജൂലൈ മാസത്തിൽ വമ്പൻ ഓഫറുകളാണ് കമ്പനി നൽകുന്നത്. ഒരു ലക്ഷം രൂപ വരെയാണ് കിഴിവായി നൽകുക.
ഹ്യുണ്ടായിയുടെ ഏറ്റവും വില കുറഞ്ഞ മോഡലാണ് ഹ്യുണ്ടായ് ഗ്രാൻഡ് ഐ10 നിയോസ്. ജൂലൈ മാസത്തിൽ ഈ മോഡലിന് വൻ കിഴിവാണ് കമ്പനി വാഗ്ദാനം ചെയ്തിരിക്കുന്നത്. 38,000 രൂപ വരെയാകും ഡിസ്കൗണ്ട് ലഭിക്കുക.
ഹ്യുണ്ടായിയുടെ മറ്റൊരു പ്രമുഖ മോഡലാണ് ഹ്യുണ്ടായ് ഐ20 സീരിസ്. ഹ്യുണ്ടായ് ഐ20 എൻ ലൈൻ മോഡലിന്റെ മാനുവൽ വേരിയന്റുകൾ ഒഴികെയുള്ള ഹാച്ച്ബാക്കിന്റെ എല്ലാ വേരിയന്റുകൾക്കും 20,000 രൂപ വരെ കിഴിവാണ് ജൂലൈ മാസത്തിൽ ലഭിക്കുക.
ഹ്യുണ്ടായ് ഇന്ത്യയിൽ അവതരിപ്പിച്ച ആദ്യ ഇലക്ട്രിക് മോഡലാണ് ഹ്യുണ്ടായ് കോന ഇവി. വിൽപന വർദ്ധിക്കുന്നതായാണ് റിപ്പോർട്ട്. ജൂലൈയിൽ ഈ ഇവി വാങ്ങുന്നവർക്ക് ഒരു ലക്ഷത്തോളം രൂപയാകും ഫ്ളാറ്റ് ക്യാഷ് ഡിസ്കൗണ്ട് ലഭിക്കുക.
ഹ്യുണ്ടായ് ഓറ വാങ്ങാൻ പദ്ധതിയിടുന്നവർക്ക് കിടിലൻ അവസരമാണിത്. 33,000 രൂപ വരെയുള്ള ആനുകൂല്യങ്ങളാണ് ഓറ വാങ്ങുന്നവർക്ക് ലഭിക്കുന്നത്. പെട്രോൾ, സിഎൻജി വേരിയന്റുകൾക്കാണ് ഈ ഓഫറുകൾ ലഭിക്കുന്നത്. രാജ്യത്ത് മികച്ച വിൽപ്പന നേടുന്ന മോഡലാണ് ഹ്യുണ്ടായ് അൽകാസർ. 20,000 രൂപയുടെ കിഴിവാണ് ജൂലൈ മാസത്തിൽ ഈ മോഡലിന് ലഭ്യമാകുക.
