എറണാകുളം: ആയുർവേദ ചികിത്സയ്ക്കായി കോൺഗ്രസ് മുൻ അദ്ധ്യക്ഷൻ രാഹുൽ ഒരാഴ്ച കേരളത്തിൽ ചെലവഴിക്കും. കോട്ടയ്ക്കൽ ആര്യ വൈദ്യശാലയിലാണ് ചികിത്സ സജ്ജീകരിച്ചിരിക്കുന്നത്. എഐസിസി ജനറൽ സെക്രട്ടറി കെസി വേണുഗോപാലും ഒപ്പമുണ്ടാകും.
ഉമ്മൻചാണ്ടിയുടെ സംസ്കാര ചടങ്ങുകൾക്ക് ശേഷം നേരെ മലപ്പുറത്ത് എത്താനായിരുന്നു രാഹുൽ നിശ്ചയിച്ചിരുന്നത്. എന്നാൽ സംസ്കാര ചടങ്ങുകൾ വൈകിയതോടെ കോട്ടയ്ക്കലിലേക്കുള്ള ഇന്നലത്തെ യാത്ര മുടങ്ങുകയായിരുന്നു. ഇന്ന് രാവിലെ പത്ത് മണിയോടെ രാഹുൽ കോട്ടയ്ക്കലിൽ എത്തും. വൈദ്യശാല മാനേജിംഗ് ട്രസ്റ്റി പിഎം മാധവൻ കുട്ടി വാര്യരുടെ മേൽനോട്ടത്തിലാണ് ചികിത്സ.
അതേസമയം ജാതി അധിക്ഷേപ കേസിൽ കുറ്റാക്കാരനെന്ന് വിധിച്ച സൂറത്ത് കോടതി ഉത്തരവിനെ ചോദ്യം ചെയ്ത് രാഹുൽ നൽകിയ ഹർജി സുപ്രീംകോടതി ഇന്ന് പരിഗണിക്കും. രാഹുലിന്റെ അയോഗ്യത സംബന്ധിച്ച് നിർണായകമാണ് ഇന്നത്തെ വിധി.
