സ്വർണം,പണം മുതലായവയാണ് കള്ളന്മാർ കൂടുതലായും മോഷ്ടിക്കുന്നത്. വ്യത്യസ്തമായ ഒരു മോഷണം നടത്തി സമൂഹമാദ്ധ്യമങ്ങളിൽ വൈറലാകുകയാണ് 32 കാരനായ ജോബി പൂൾ. രണ്ട് ലക്ഷം മിഠായി മോഷ്ടിച്ചാണ് ജോബി വൈറലായത്. വ്യത്യസ്തമായ മോഷണം നടന്നത് യുകെയിലാണ്. 32 ലക്ഷം രൂപയുടെ കാഡ്ബറി ചോക്ലേറ്റാണ് ഇയാൾ മോഷ്ടിച്ചിരിക്കുന്നത്. ഫെബ്രുവരി 11 ന് ടെൽഫോർഡിലെ സ്റ്റാഫോർഡ് പാർക്കിലെ ഒരു ഫാക്ടറിയിൽ അതിക്രമിച്ച് കയറി 40,000 ഡോളർ (32,79,720 രൂപ) വിലമതിക്കുന്ന കാഡ്ബറി ക്രീം മിഠായിയാണ് മോഷ്ടിച്ചത്.
സംഭവത്തെ തുടർന്ന് ജോബിക്കെതിരെ കേസ് രജിസ്റ്റർ ചെയ്തു. കേസിൽ ജോബിയ്ക്ക് ഒന്നര വർഷം ശിക്ഷയും വിധിച്ചിരിക്കുകയാണ് കോടതി. രണ്ട് ലക്ഷം ചോക്ലേറ്റ് മോഷ്ടിക്കാന് വാഹനവുമായാണ് ഇയാൾ പോയത്. മിഠായി കടയിൽ അതിക്രമിച്ച് കയറി എന്തിനാണ് ഇയാൾ മോഷണം നടത്തിയതെന്ന കാര്യം വ്യക്തമല്ല. കാഡ്ബറി ഫാക്ടറിയിൽ കയറി മോഷണം, വ്യാവസായ യൂണിറ്റിൽ നാശനഷ്ടമുണ്ടാക്കൽ, ഇൻഷുറൻസില്ലാത്ത വാഹനം ഓടിക്കൽ എന്നിവ ചുമത്തിയാണ് പ്രതിക്കെതിരെ കേസ് രജിസ്റ്റർ ചെയ്തിരിക്കുന്നത്.
മിഠായി മോഷ്ടാവിനെ പിടികൂടിയ വിവരം പോലീസ് ട്വിറ്ററിലൂടെയാണ് അറിയിച്ചത്. കാഡ്ബറി യുകെയിൽ പ്രതിവർഷം 220 ദശലക്ഷം പാൽ ചോക്ലേറ്റ് മിഠായികളാണ് വിൽക്കുന്നത്.
