തിരുവനന്തപുരം: യൂണിവേഴ്സിറ്റി അസിസ്റ്റന്റ്, സബ്ഇന്സ്പെക്ടര് ഓഫ് പോലീസ് തുടങ്ങിയവയുടെ മെയിൻ പരീക്ഷകൾക്ക് യോഗ്യത നേടിയവരുടെ പട്ടികകൾ പ്രസിദ്ധീകരിച്ച് പിഎസ്സി. ഫലം അറിയാൻ പിഎസ്സിയുടെ ഔദ്യോഗിക വെബ്സൈറ്റില് ലേറ്റസ്റ്റ് അപഡേറ്റ്സില് ക്ലിക്ക് ചെയ്ത് നോക്കാവുന്നതാണ്. വിശദവിവരങ്ങൾക്കുവേണ്ടി ഔദ്യോഗിക വെബ്സൈറ്റായ www.keralapsc.gov.in സന്ദര്ശിക്കാം.
കണ്ണൂർ ജില്ലയിൽ വിവിധ വകുപ്പുകളിൽ (എൻസിസി, സൈനിക ക്ഷേമം, പൊലീസ്, എക്സൈസ്, ടൂറിസം, ഫോറസ്റ്റ്, ട്രാൻസ്പോർട് വകുപ്പുകൾ ഒഴികെ) ഡ്രൈവർ ഗ്രേഡ് 2 (എച്ച്ഡിവി)/ ഡ്രൈവർ കം ഓഫിസ് അറ്റൻഡന്റ് (എച്ച്ഡിവി) – നേരിട്ടുള്ള നിയമനവും ബൈ ട്രാൻസ്ഫറും – 017/2021, 018/2021) തസ്തികയിലേക്ക് പിഎസ്സി 2021 ഓഗസ്റ്റ് 17ന് നടത്തിയ ഒഎംആർ ടെസ്റ്റിന്റെയും 2023 മാർച്ച് 24ന് നടത്തിയ പ്രാക്ടിക്കൽ ടെസ്റ്റിന്റെയും അടിസ്ഥാനത്തിൽ റാങ്ക് പട്ടിക തയ്യാറാക്കി പ്രസിദ്ധീകരിച്ചതായി ജില്ലാ പിഎസ്സി ഓഫിസർ അറിയിച്ചു.
