ചെന്നൈ: തമിഴ്നാട്ടിൽ 24 എസ്ഡിപിഐ കേന്ദ്രങ്ങളിൽ എൻഐഎ റെയ്ഡ്. പിഎംകെ നേതാവ് രാമലിംഗം കൊലപാതകവുമായി ബന്ധപ്പെട്ടാണ് പരിശോധന. എസ്ഡിപിഐ സംസ്ഥാന അദ്ധ്യക്ഷൻ മുബാറക്കിന്റെ തിരുനെൽവേലി ജില്ലയിലെ മേലപ്പാളയത്തുള്ള വസതിയിലും റെയ്ഡ് നടക്കുന്നുണ്ട്. ഉസിലംപെട്ടി, തഞ്ചാവൂർ ജില്ലകൾ കേന്ദ്രീകരിച്ചാണ് റെയ്ഡ് പുരോഗമിക്കുന്നത്.
2019-ലാണ് പിഎംകെ നേതാവായിരുന്ന രാമലിംഗം കൊല്ലപ്പെട്ടത്. രാമലിംഗം നിർബന്ധിത മതപരിവർത്തന ശ്രമങ്ങൾ തടഞ്ഞത് പോപ്പുലർ ഫ്രണ്ട് ഭീകരരെ പ്രകോപിപ്പിക്കുകയായിരുന്നു. തുടർന്ന് രാമലിംഗത്തെ ഒരു സംഘം വെട്ടിക്കൊലപ്പെടുത്തുകയായിരുന്നു. കുഭകോണത്തിന് സമീപത്ത് വെച്ചായിരുന്നു കൊലപാതകം നടന്നത്. കേസ് അന്വേഷണം പോലീസിൽ നിന്നും എൻഐഎ ഏറ്റെടുത്തിരുന്നു.
