ട്വിറ്റർ ഏറ്റെടുത്തത് മുതൽ പുതിയ പരിഷ്കാരങ്ങൾ നടപ്പിലാക്കാനുള്ള ശ്രമത്തിലായിരുന്നു ഇലോൺ മസ്ക്. ചിലവുകുറയ്ക്കാൻ ജീവനക്കാരെ പിരിച്ചുവിടുക, വരുമാനം കൂട്ടാൻ ഉപയോക്താക്കളിൽ നിന്നും പണമീടാക്കുക, ട്വിറ്ററിന്റെ ലോഗോയിൽ മാറ്റങ്ങൾ വരുത്തുക തുടങ്ങി ഇതിനോടകം പല പരിഷ്കാരങ്ങളും നടപ്പിലാക്കാൻ മസ്ക് പരിശ്രമിച്ചിരുന്നു. ഏറ്റവുമൊടുവിൽ ട്വിറ്ററിന്റെ നട്ടെല്ലായ ലോഗോ പൂർണമായും മാറ്റി സ്ഥാപിച്ചിരിക്കുകയാണ് അദ്ദേഹം.
ഒരു നീല പക്ഷിയായിരുന്നു (ബ്ലൂ ബേർഡ്) ട്വിറ്ററിന്റെ ലോഗോ. എന്നാൽ കിളിയെ പറത്തിവിട്ട ഇലോൺ മസ്ക് പുതിയ ലോഗോ ആയ ‘X’ അവതരിപ്പിച്ച് കഴിഞ്ഞു. ലോഗോയിൽ നിന്നും കിളിയെ മാറ്റുമെന്ന് നേരത്തെ തന്നെ മുന്നറിയിപ്പ് നൽകിയ അദ്ദേഹം, ഒടുവിൽ ഔദ്യോഗിക പ്രഖ്യാപനം നടത്തുകയായിരുന്നു. നീലയും വെള്ളയും കളർ കോമ്പിനേഷൻ ഉപേക്ഷിച്ച് വെള്ളയും കറുപ്പും കോമ്പിനേഷനിലാണ് പുതിയ ലോഗോ എത്തിയിരിക്കുന്നത്. റീ-ബ്രാൻഡിംഗിന്റെ ഭാഗമായാണ് പുതിയ പരിഷ്കാരമെന്നും ഇലോൺ മസ്ക് വ്യക്തമാക്കി.
— Elon Musk (@elonmusk) July 23, 2023
“>
ട്വിറ്ററിൽ പുതിയ ട്വീറ്റുമായി എത്തിയ മസ്ക് പുതിയ ലോഗോ ആണ് പ്രൊഫൈൽ പിക്ച്ചറായി ഇട്ടിരിക്കുന്നത്. സാൻ ഫ്രാൻസിസ്കോയിലുള്ള ട്വിറ്ററിന്റെ ആസ്ഥാന കെട്ടിടത്തിൽ പുത്തൻ ലോഗോ പ്രദർശിപ്പിച്ചിരിക്കുന്നതിന്റെ ചിത്രവും അദ്ദേഹം പങ്കുവച്ചിട്ടുണ്ട്. ഇതോടെ നീലക്കുരുവിയെന്നും നീലക്കിളിയെന്നുമെല്ലാം വിശേഷിപ്പിച്ചിരുന്ന ട്വിറ്റർ ബേർഡിന് എന്നന്നേക്കുമായി വിട പറഞ്ഞിരിക്കുകയാണ് കമ്പനി.
Our headquarters tonight pic.twitter.com/GO6yY8R7fO
— Elon Musk (@elonmusk) July 24, 2023
“>
Comments