പുതിയ ഇലക്ട്രിക് സ്കൂട്ടറുകൾ പുറത്തിറക്കി സാർ ഗ്രൂപ്പ്. ലെക്ട്രിക്സ് എന്ന ബ്രാൻഡിന് കീഴിൽ എൽഎസ്എസ് ജി3.0, എൽഎക്സ്എസ്ജി 2.0 എന്നീ മോഡലുകളാണ് പുറത്തിറക്കിയത്. യുവാക്കളെ ആകർഷിക്കുന്നതിനായി 96 അതിനൂതന സംവിധാനങ്ങളാണ് പുതിയ സ്കൂട്ടറുകശിൽ കമ്പനി അവതരിപ്പിച്ചിരിക്കുന്നത്.
പൂർണമായും ഓട്ടോമാറ്റിക്കായ സ്മാർട്ട് ഇൻഡിക്കേറ്റർ സംവിധാനം, നാവിഗേഷൻ, തത്സമയ ലൊക്കേഷൻ, വോയ്സ് അധിഷ്ഠിത ഇഗ്നീഷൻ തുടങ്ങി ഒട്ടനവധി സവിഷേതകളാണ് കമ്പനി അവതരിപ്പിച്ചിരിക്കുന്നത്. കാറുകളിലുള്ള സീറ്റ് ബെൽറ്റ് അലാമിനു സമാനമായി ഹെൽമെറ്റ് അലാം, അതിവേഗ ചാർജിങ് എന്നിവയും ഇവയുടെ സവിശേഷതകളാണ്.
ഒറ്റത്തവണ മുഴുവൻ ചാർജ് ചെയ്താൽ എൽഎക്സ്എസ് ജി 3.0 മോഡലിന് 100 കിലോ മീറ്ററിലധികവും ജി 2.0 മോഡലിന് 85 കിലോ മീറ്ററിലധികവും ഓടിക്കാനാകുമെന്ന് കമ്പനി അവകാശപ്പെടുന്നു. 1.03 ലക്ഷം രൂപ മുതലാണ് വില.
