സിനിമാ ആരാധകർ കാത്തിരിക്കുന്ന ദുൽഖർ ചിത്രമായ കിംഗ് ഓഫ് കൊത്തയിലെ ആദ്യഗാനം റിലീസ് ചെയ്തു. ‘കലാപക്കാരാ’ എന്ന് ആരംഭിക്കുന്ന ഗാനമാണ് റിലീസ് ചെയ്തത്. ഗാനത്തിൽ ദുൽഖറും റിതിക സിംഗിനുമൊപ്പം നിരവധി നർത്തകരും അണിച്ചേരുന്നു. ദുൽഖറിന്റെ പിറന്നാൾ ദിനത്തിലെ സമ്മാനമാണ് ഗാനമെന്നാണ് ആരാധകർ പറയുന്നത്.
കിംഗ് ഓഫ് കൊത്തയിലെ ‘കലാപക്കാര’
മലയാളത്തിൽ ‘കലാപക്കാരാ’ എന്ന് ആരംഭിക്കുന്ന ഗാനം തെലുങ്ക് പതിപ്പിൽ ‘ഹല്ലാ മച്ചാരെ’, തമിഴിൽ ‘കലാട്ടക്കാരൻ’, ഹിന്ദിയിൽ ‘ജല ജല ഹായ്’ എന്നിങ്ങനെയാണ് ആരംഭിക്കുന്നത്. ശ്രേയ ഘോഷാൽ, ബെന്നി ദയാൽ, ജേക്‌സ് ബിജോയ് എന്നിവർ ചേർന്ന് ആലപിച്ച ഗാനത്തിന് വരികൾ ഒരുക്കിയിരിക്കുന്നത് ജോ പോൾ ആണ്. ജേക്‌സ് ബിജോയ് ആണ് പാട്ടിന് സംഗീതം ഒരുക്കിയിരിക്കുന്നത്. ഷെരിഫ് മാസ്റ്ററാണ് ചുവടുകൾ അണിയിച്ചൊരുക്കിയിരിക്കുന്നത്.
ദുൽഖറിന്റെ മാസ് ആക്ഷൻ ബിഗ് ബജറ്റ് ചിത്രമാണ് കിംഗ് ഓഫ് കൊത്ത. സീ സ്റ്റുഡിയോസും ദിൽഖർ സൽമാന്റെ വേഫേറെർ ഫിലിംസും ചേർന്നാണ് ചിത്രം നിർമ്മിക്കുന്നത്. അഭിലാഷ് ജോഷി സംവിധാനം ചെയ്യുന്ന ചിത്രം ഓണത്തിന് തിയേറ്ററുകളിലെത്തും. ഷബീർ കല്ലറക്കൽ, പ്രസന്ന, ചെമ്പൻ വിനോദ്, ഷമ്മി തിലകൻ, ഗോകുൽ സുരേഷ്, വടചെന്നൈ ശരൺ, ഐശ്വര്യാ ലക്ഷ്മി, നൈല ഉഷ, ശാന്തി കൃഷ്ണ, അനിഖാ സുരേന്ദ്രൻ തുടങ്ങി നിരവധി താരങ്ങൾ ചിത്രത്തിൽ അണിനിരക്കുന്നുണ്ട്.
Comments