ബോളിവുഡിലെ താരദമ്പതികളാണ് അജയ് ദേവ്ഗണും കാജോളും. ഇരുവരും 24 വർഷം മുൻപായിരുന്നു വിവാഹം കഴിച്ചത്. വർഷങ്ങൾക്ക് ശേഷം വിവാഹ ദിവസത്തെക്കുറിച്ച് മനസ് തുറന്നിരിക്കുകയാണ് കാജോൾ. തന്റെ ജീവിതത്തിലെ മനോഹരമായൊരു ദിവസമായിരുന്നു വിവാഹ ദിനമെന്നും വിവാഹ ചടങ്ങുകൾ ഒരുപാട് ആസ്വദിച്ചെന്നും കാജോൾ പറയുന്നു.
വിവാഹ ദിവസം ആസ്വദിക്കാത്ത നിരവധി പെൺകുട്ടികളുണ്ടാകും. എന്നാൽ താൻ അങ്ങനെ ആയിരുന്നില്ലെന്നാണ് നടി പറയുന്നത്. രണ്ട് ആചാരപ്രകാരം വിവാഹം നടത്തിയതിനാല് കൂടുതല് ചടങ്ങുകള് ഉണ്ടായിരുന്നു. ഇതിനായി ഒരുപാട് നേരം തനിക്ക് ഇരിക്കാന് വയ്യാത്തതിനാല് പൂജാരിയോട് ചടങ്ങുകള് വേഗത്തിലാക്കാന് പറയുവാൻ അജയ്യോട് പറഞ്ഞെന്നും നടി അഭിമുഖത്തിൽ പറയുന്നുണ്ട്.
‘സ്വന്തം വിവാഹം ആസ്വദിക്കാന് എല്ലാ പെണ്കുട്ടികള്ക്കും സാധിക്കാറുണ്ടോ എന്ന് എനിക്കറിയില്ല. പക്ഷേ എന്റെ വിവാഹം ഞാന് അടിച്ചുപൊളിച്ചു. വളരെക്കുറച്ച് ആളുകളേയാണ് അന്ന് ക്ഷണിച്ചത്. ഏകദേശം 50 പേര് കാണുമായിരിക്കും. വളരെ അടുത്ത ബന്ധുക്കള് മാത്രമുള്ള ചെറിയ ചടങ്ങായിരുന്നു വിവാഹം. സമൂഹമാദ്ധ്യമങ്ങൾ അന്ന് സജീവമല്ലാത്തതും ഒരുപാട് ഉപകാരപ്പെട്ടു. അതുകൊണ്ട് വളരെ കംഫര്ട്ടബിൾ ആയിരുന്നു. ദുപ്പട്ട തലയില് കുരുങ്ങിയോ ലിപ്സ്റ്റിക്ക് പടര്ന്നോ ഹെയര്സ്റ്റൈല് നാശമായോ എന്നൊന്നും ആര്ക്കും ടെന്ഷനില്ലായിരുന്നു.
എന്റെ രണ്ട് സഹോദരിമാരാണ് വിവാഹം മുഴുവന് ക്രമീകരിച്ചത്. പൂക്കളും അലങ്കാരങ്ങളും ആളുകളെ ക്ഷണിക്കുന്നതുമെല്ലാം ചെയ്തത് അവരാണ്. ഒരുപാട് ജോലികളുള്ളതിനാല് അവര് ടെന്ഷനില് ആയിരുന്നു. വീട്ടുകാരും അതേ അവസ്ഥയിലായിരുന്നു. എന്നാല് ഞാന് മാത്രം അടിച്ചുപൊളിച്ചു. ആദ്യം തന്നെ മേക്കപ്പെല്ലാം ചെയ്ത് ഞാന് ഫോട്ടോ എടുക്കാന് തയ്യാറായി നിന്നു.
മഹാരാഷ്ട്രയിലെ രീതി അനുസരിച്ചുള്ള വധുവായി ഒരുങ്ങിയതും കുടുംബവും പ്രിയപ്പെട്ടവരുമെല്ലാം ഒപ്പമുണ്ടായിരുന്നതുമെല്ലാം എന്നെ ഏറെ സന്തോഷിപ്പിച്ചു. രണ്ട് ആചാരപ്രകാരമായിരുന്നു വിവാഹം നടന്നത്. അജയ്യുടെ വിശ്വാസപ്രകാരമുള്ള മഹാരാഷ്ട്രയുടെ രീതിക്കനുസരിച്ചുള്ള വിവാഹവും ഏഴു തവണ വലംവെയ്ക്കുന്ന രീതിയും. ഇതൊക്കെയായി ഒരുപാട് സമയം എടുക്കുന്നതുകൊണ്ട് എല്ലാ ചടങ്ങുകളും പെട്ടെന്ന് തീര്ക്കാന് പൂജാരിയോട് പറയണമെന്ന് ഞാന് അജയ്യോട് ആവശ്യപ്പെട്ടു. എനിക്ക് ഒരുപാട് നേരം ഇരിക്കാന് വയ്യായിരുന്നു.’ കാജോള് പറഞ്ഞു.
Comments