ആരാധകരുടെ കാത്തിരിപ്പിന് വില നൽകി ജയിലറിന്റെ വെടിചില്ല് വീഡിയോ പുറത്തെത്തി. സൂപ്പർ സ്റ്റാർ രജനിയുടെ സ്റ്റൈലും സ്വാഗും നിറഞ്ഞു നിൽക്കുന്ന ഷോക്കേസ് വീഡിയോ പുറത്തിറങ്ങി നിമിഷങ്ങൾക്കുള്ളിൽ ഹിറ്റ്ചാർട്ടിൽ ഇടംപിടിച്ചു. സംവിധായകൻ നെൽസണിന്റെ ഉഗ്രൻ തിരിച്ചുവരവാകും ചിത്രമെന്നാണ് വീഡിയോ നൽകുന്ന സൂചന.
മാസും ആക്ഷനും കോമഡിയും നിറച്ച പക്കാ ത്രില്ലർ ചിത്രം ആയിരിക്കും ജയിലർ എന്ന് വ്യക്തമാക്കുന്നതാണ് വീഡിയോ. സഞ്ജയ് ദത്തും രമ്യാ കൃഷ്ണനും യോഗി ബാബുവും അടക്കമുള്ളവർ വീഡിയോയിലുണ്ട്. രമ്യ കൃഷ്ണൻ രജനികാന്തിന്റെ ഭാര്യ ആയാണ് ചിത്രത്തിൽ എത്തുന്നതെന്നാണ് സൂചന.
നെൽസണിന്റെ മുൻ ചിത്രങ്ങളുടെ എന്റർടൈൻമെന്റ് ജേണറിൽ പുറത്തിറങ്ങുന്ന ചിത്രത്തിൽ സൂപ്പർസ്റ്റാറുകളായ മോഹൻലാലും ശിവരാജ്കുമാറും അണിനിരക്കുന്നുണ്ടെങ്കിലും പുറത്തിറങ്ങിയ വീഡിയോയിൽ ഇരുവരെയും ഉൾപ്പെടുത്തിയിട്ടില്ല.
കൊടൂര വില്ലൻ കഥാപാത്രമായി വിനായകനും ചിത്രത്തിലുണ്ട്. നെൽസൺ ദിലീപ് കുമാർ സംവിധാനം ചെയ്യുന്ന ചിത്രം ഓഗസ്റ്റ് 10ന് ചിത്രം തിയറ്ററുകളിൽ എത്തും. പേര് സൂചിപ്പിക്കുന്നതുപോലെ ഒരു ജയിലറുടെ വേഷത്തിലാണ് രജനി എത്തുക. ടൈഗർ മുത്തുവേൽ പാണ്ഡ്യൻ എന്നാണ് രജനി അവതരിപ്പിക്കുന്ന കഥാപാത്രത്തിന്റെ പേര്.
