‘സൂക്ഷിച്ചു നോക്കണ്ടടാ ഉണ്ണീ’ ; ഇത് മനുഷ്യനല്ല കരടി തന്നെയാ..; വൈറലായി മലേഷ്യൻ സൺ ബിയർ

കലാഭവൻ മണി കരടിയുടെ വേഷമണിഞ്ഞ് നിറഞ്ഞാടിയ ചലച്ചിത്രമാണ് ‘മൈ ഡിയർ കരടി’. അത്തരത്തിൽ മനുഷ്യൻ വേഷംകെട്ടിയതെന്നു തോന്നിപ്പിക്കുന്ന വിധത്തിലുള്ള ദൃശ്യങ്ങളാണ് ഇപ്പോൾ സമൂഹ മാദ്ധ്യമങ്ങളിൽ ഇടം പിടിക്കുന്നത്. മനുഷ്യന്റെ അത്രയും വലിപ്പമുള്ള ഒരു ഭീമൻ കരടിയാണ് വീഡിയോയിലെ താരം.

A video of a “human-like” black #bear 🐻at #Hangzhou Zoo went viral! But the zoo staff denies it’s a person in disguise—too hot to bear! #animal pic.twitter.com/47y9VzslYQ

— Shanghai Daily (@shanghaidaily) July 31, 2023

“>

ചൈനയിലെ ഹാങ്ഷൂ മൃഗശാലയിൽ നിന്നുമുള്ള ദൃശ്യത്തിൽ മനുഷ്യനെപ്പോലെ എുന്നേറ്റ് നിന്ന് ആളുകളെ നോക്കുന്ന കരടിയാണുള്ളത്. കരടിയുടെ ദൃശ്യങ്ങൾ കണ്ട പലരും ഇത് മനുഷ്യൻ വേഷം കെട്ടിയതാണെന്ന് തെറ്റിദ്ധരിച്ചു. മനുഷ്യനെ പോലെ രണ്ട് കാലിൽ എഴുന്നേറ്റ് നിന്ന് ആളുകളെ അഭിസംബോധന ചെയ്യുന്നതാണ് വീഡിയോയിലുള്ളത്. കരടിയുടെ പുറകിലുള്ള ചുളിവുകളാണ് പലർക്കും സംശയമുണ്ടാകാനുള്ള പ്രധാന കാരണം.

അതേസമയം വീഡിയോ വൈറലായതോടെ അധികൃതർ തന്നെ വിശദീകരണവുമായി മുന്നോട്ടു വന്നിരിക്കുകയാണ്. ആൻഞ്ചല എന്ന മലേഷ്യൻ സൺ ബിയറാണിതെന്നാണ് അധികൃതർ പറയുന്നത്. വംശനാശ ഭീഷണിയിലാണ് ഈ കരടികളെന്നും അധികൃതർ പറയുന്നു. നെഞ്ചിലെ രോമങ്ങൾ ഓറഞ്ചോ ക്രീമോ നിറത്തിലായിരിക്കും കാണപ്പെടുന്നത്. ശരീരത്തിന്റെ ബാക്കി ഭാഗങ്ങൾ മറ്റു കരടികളെപ്പോലെ തന്നെ കറുത്ത നിറത്തിലുമാണെന്നതാണ് ഇവയുടെ മറ്റൊരു പ്രത്യേകത. എന്തായാലും നിമിഷ നേരം കൊണ്ട് നിരവധി ആളുകളാണ് വീഡിയോ ഏറ്റെടുത്തത്.