ബഹിരാകാശ നിലയത്തിലേക്കുള്ള നാലാം സ്വകാര്യ ബഹിരാകാശയാത്രാ ദൗത്യത്തിനായി ആക്സിയം സ്പേസിനെ നിയമിച്ച് നാസ. 2024-ൽ വിക്ഷേപണത്തിനൊരുങ്ങുന്ന എക്സ്-4 ദൗത്യത്തിനാണ് നാസയും ആക്സിയം സ്പേസും കരാറിൽ ഒപ്പുവെച്ചത്. ആക്സിയം മിഷൻ അഥവാ എഎക്സ്-4 എന്നറിയപ്പെടുന്ന ഈ ദൗത്യം ലക്ഷ്യം വെയ്ക്കുന്നത് ഒന്നിലധികം കാര്യങ്ങളാണ്.
സർക്കാർ കേന്ദ്രീകൃത സംരംഭങ്ങളിൽ നിന്നും ഭ്രമണപഥത്തിലെ പ്രവർത്തനങ്ങൾ ഉപഭോക്താക്കളിൽ ഒരാളായ കമ്പനിയ്ക്ക് നൽകിയ നീക്കമായിരുന്നു ഇത്. നാസയുടെ വാണിജ്യ ബഹിരാകാശ ഡയറക്ടർ ഫിൽ മക്അലിസ്റ്റർ ഇത് മികച്ച തീരുമാനം ആയി പ്രശംസിച്ചു. സ്വകാര്യ ബഹിരാകാശ യാത്ര ദൗത്യങ്ങൾ പുരോഗതിയിൽ പ്രധാന പങ്കുവഹിക്കുമെന്ന് അദ്ദേഹം വ്യക്തമാക്കി.
എഎക്സ്-4 മിഷൻ 14 ദിവസമാകും അന്താരാഷ്ട്ര ബഹിരാകാശ നിലയത്തിൽ ഉണ്ടാകുക. വിക്ഷേപണ തീയതി സംബന്ധിച്ച് ഔദ്യോഗിക വിവരങ്ങളൊന്നും തന്നെ നാസ പുറത്ത് വിട്ടിട്ടില്ല. നാല് ക്രൂ അംഗങ്ങൾ ഉൾപ്പെടുന്നതാണ് എഎക്സ്-4. അംഗീകാരം ലഭിക്കുന്നതോടെ ഇവർ പരിശീലനം ആരംഭിക്കും. ഈ കഴിഞ്ഞ മാർച്ചിൽ മൂന്നാം ദൗത്യം നടന്നിരുന്നു. ഈ ദൗത്യം 2024-ന് മുമ്പായി ആരംഭിക്കാനാണ് പദ്ധതിയിടുന്നത്.
ആക്സിയം സ്പേസിന്റെ ആദ്യ ബഹിരാകാശ ദൗത്യം നടന്നത് 2022 ഏപ്രിലിലായിരുന്നു. മൂന്ന് വ്യവസായികളും മുൻ ബഹിരാകാശ സഞ്ചാരിമൈക്കൽ ലോപ്പസ്-അലെഗ്രിയയെയും ആണ് ക്രൂവിൽ ഉണ്ടായിരുന്നത്. 17 ദിവസങ്ങൾക്ക് ശേഷമായിരുന്നു മടക്കം.
