ഡെറാഡൂൺ: ഉത്തരാഖണ്ഡിലെ പ്രശസ്ത ക്ഷേത്രമായ കൈഞ്ചി ധാം ക്ഷേത്രത്തിൽ അൽപവസ്ത്രധാരികൾക്ക് പ്രവേശനമില്ലെന്ന് ക്ഷേത്ര ട്രസ്റ്റ്. ഇത്തരം വസ്ത്രങ്ങൾ അനാദരവും അനുചിതവുമാണെന്ന വിലയിരുത്തലിനെ തുടർന്നാണ് തീരുമാനം. ഇത് സംബന്ധിച്ചുള്ള ബോർഡും ക്ഷേത്രത്തിന് മുൻപിൽ സ്ഥാപിച്ചിട്ടുണ്ട്. നേരത്തെ ഫോട്ടോഗ്രഫിയും വീഡിയോഗ്രഫിയും ക്ഷേത്രത്തിൽ നിരോധിച്ചിരുന്നു.
രാജ്യത്തിന് അകത്ത് നിന്നും പുറത്തുനിന്നുമായി ആയിരങ്ങളാണ് ക്ഷേത്രത്തിലെത്തുന്നത്. നൈനിറ്റാളിൽ നിന്ന് 19 കിലോമീറ്റർ അകലെ സ്ഥിതി ചെയ്യുന്ന കൈഞ്ചി ധാം ക്ഷേത്രം സ്ഥിതി ചെയ്യുന്നത്. രണ്ട് കുന്നുകൾക്കിടയിലാണ് ക്ഷേത്രം സ്ഥിതി ചെയ്യുന്നത്. കത്രികയുടെ വായുടെ ആകൃതിയിലാണ് ക്ഷേത്രം. അതുകൊണ്ടാണ് ഈ സ്ഥലത്തെ ‘കൈഞ്ചി ധാം’ എന്ന് ഇവിടം അറിയപ്പെടുന്നത്. ആപ്പിളിന്റെ മുൻ സിഇഒ സ്റ്റീവ് ജോബ്സ്, ഫേസ്ബുക്കിന്റെ സിഇഒ മാർക്ക് സക്കർബർഗ് എന്നിവർ ഇവിടം സന്ദർശിച്ചതോടെയാണ് ഇവിടം പ്രശസ്തമാകുന്നത്. എല്ലാ വർഷവും ജൂൺ 15-ന് ഇവിടെ മേള സംഘടിപ്പിക്കാറുണ്ട്. ഇതിനായി ഇവിടെ നിരവധി പേരാണ് എത്തുന്നത്.
