സോൾ: കൊടുങ്കാറ്റായ ഖനുൻ ആഞ്ഞടിച്ചപ്പോൾ വിചിത്ര ഉത്തരവുമായി ഉത്തര കൊറിയ. കിം രാജവംശത്തിന്റെ ഛായാചിത്രങ്ങൾ സംരക്ഷിക്കാനാണ് ഭരണകൂടം ജനങ്ങളോട് ആവശ്യപ്പെട്ടിരിക്കുന്നത്. കൊറിയൻ വർക്കേഴ്സ് പാർട്ടിയുടെ മുഖപത്രമായ റോഡോങ് സിൻ വഴിയാണ് ഉത്തരവിറക്കിയത്.
കൊടുങ്കാറ്റ് ആഞ്ഞടിക്കുന്ന സമയത്ത് നിലവിലെ നേതാവ് കിം ജോഗ് ഉൻ, അദ്ദേഹത്തിന്റെ പിതാവ് കിം ജോഗ് ഇൽ, ഉത്തര കൊറിയയുടെ സ്ഥാപകനായ കിം ഇൽ സങ് എന്നിവരുടെ ഛായാചിത്രങ്ങളുടെ സുരക്ഷയ്‌ക്ക് പ്രാധാന്യം നൽകണമെന്ന് പൗരന്മാരോട് ആജ്ഞാപിച്ചു. ഇത് കൂടാതെ കിം രാജവംശത്തിന്റെ പ്രതിമകൾ, ചുവർചിത്രങ്ങൾ, സ്മാരകങ്ങൾ എന്നിവയുടെ കാറ്റിൽ തകർന്നു പോകാതെ സംരക്ഷിക്കണമെന്നും ഭരണകൂടത്തിന്റെ ഉത്തരവിൽ വ്യക്തമാക്കുന്നു. ജനങ്ങൾക്ക് ആവശ്യമായ ജാഗ്രതാ നിർദ്ദേശം പോലും ഭരണകൂടം പുറത്തിറക്കിയിട്ടില്ല.
ഉഷ്ണ കൊടുങ്കാറ്റായ ഖനൂൻ കഴിഞ്ഞ ദിവസമാണ് കൊറിയൻ ഉപദ്വീപിൽ എത്തിയത്. ജനങ്ങൾക്ക് ആവശ്യമായ സുരക്ഷ ഉറപ്പാക്കാനുള്ള മുൻകരുതലൊന്നും കീം ഭരണകൂടം എടുത്തിട്ടില്ല. കാര്യമായ ദുരന്ത നിവാരണ സംവിധാനങ്ങൾ ഇല്ലാത്ത് രാജ്യമാണ് ഉത്തര കൊറിയ.
