തിരുവനന്തപുരം: അച്ഛന്റെ കൈയ്യിലിരുന്ന കുഞ്ഞിനെ തട്ടികൊണ്ട് പോകാൻ ശ്രമിച്ച ട്രാൻസ്ജെൻഡർ അറസ്റ്റിൽ. കഴിഞ്ഞ ദിവസം വൈകിട്ട് കിഴക്കേകോട്ടയിൽ സർക്കസ് കാണാൻ വന്ന കുടുംബത്തിലെ കുഞ്ഞിനെയാണ് തട്ടിയെടുക്കാൻ ശ്രമിച്ചത്. പ്രതിയെ ഫോർട്ട് പോലീസ് അറസ്റ്റ് ചെയ്തു.
മണ്ണന്തല സ്വദേശി പ്രസാദും ഭാര്യയും കുട്ടിയുമായി സർക്കസ് കാണാൻ വന്നതായിരുന്നു. ഇതിനിടെ ട്രാൻസ്ജെൻഡർ ഗീതു കുട്ടിയെ പ്രസാദിന്റെ കൈയ്യിൽ നിന്നും തട്ടിയെടുക്കാൻ ശ്രമിക്കുകയായിരുന്നു. എന്നാൽ പ്രസാദ് കുട്ടിയെ മുറുകെ പിടിച്ചിരുന്നു. ഇതിനിടെ പ്രസാദും ഭാര്യയും ബഹളം വെച്ചതോടെ ആളുകൾ ഓടിക്കൂടി. ഇതോടെ പ്രതി ഓടി രക്ഷപ്പെടുകയായിരുന്നു. പ്രസാദ് ഇന്നലെ തന്നെ ഗീതുവിനെതിരെ ഫോർട്ട് പോലീസ് സ്റ്റേഷനിൽ പരാതി നൽകി. പിന്നാലെ പ്രതിയായ ഗീതുവിനെ ഇന്ന് കിഴക്കേക്കോട്ടയിൽ വച്ച് പോലീസ് പിടികൂടുകയായിരുന്നു.
Comments