രാജ്യത്ത് ക്രെഡിറ്റ് കാർഡ് ഉപയോഗം വർദ്ധിച്ചു വരുന്നതായാണ് റിപ്പോർട്ടുകൾ. എന്നാൽ ക്രെഡിറ്റ് കാർഡ് എടുക്കുന്നതിനെപ്പറ്റി പലർക്കും കൃത്യമായ ധാരണ ഉണ്ടാകണമെന്നില്ല. ക്രെഡിറ്റ് എടുക്കുന്നതിൽ ചില കാര്യങ്ങൾ ശ്രദ്ധിക്കേണ്ടതായുണ്ട്. ഇതിനായി ശരിയായ കാർഡ് തിരഞ്ഞെടുക്കുക എന്നതാണ് പ്രധാനം. ഏത് തരത്തിലുള്ള കാർഡ് ആണ് ആവശ്യം എന്ന് ആദ്യം മനസിലാക്കണം. ഇത് വ്യക്തിഗത ചിലവിന്റെ പാറ്റേണുകളും റിവാർഡുകൾക്ക് അനുസരിച്ചിരിക്കും.
ക്രെഡിറ്റ് കാർഡ് ഉപയോഗിക്കുന്നതു കൊണ്ടുള്ള സാധ്യത എന്താണെന്നാണ് ആദ്യം തിരിച്ചറിയേണ്ടത്. ഇതിൽ ചിലവ് കാര്യങ്ങൾ ശ്രദ്ധിക്കേണ്ടതായുണ്ട്. ധാരാളം യാത്ര ചെയ്യുന്ന ആളാണെങ്കിൽ ഇതിന് അനുസരിച്ചുള്ള കാർഡ് ആകണം തിരഞ്ഞെടുക്കേണ്ടത്. ഫ്ലൈറ്റ് യാത്രകൾ നിരവധി ചെയ്യുന്ന വ്യക്തിയാണ് നിങ്ങളെങ്കിൽ ഒരു എയർലൈൻ ക്രെഡിറ്റ് കാർഡ് എടുക്കുന്നതാകും ഉചിതം.
ഇനി ഷോപ്പിംഗിന് വേണ്ടിയാണ് ക്രെഡിറ്റ് കാർഡ് അധികം ഉപയോഗിക്കുന്നതെങ്കിൽ ഇടയ്ക്കിടെ ക്യാഷ് ബാക്ക് നൽകുന്ന കാർഡാകും തിരഞ്ഞെടുക്കാൻ നല്ലത്. പതിവായി പുറത്ത് നിന്ന് ഭക്ഷണം കഴിക്കുന്ന ആളാണെങ്കിൽ ഓഫർ ലഭിക്കാൻ സഹായിക്കുന്ന കാർഡുകൾ ഉപയോഗിക്കുന്നതാകും നല്ലത്. ഇനി ഷോപ്പിംഗിന് വേണ്ടിയാണെങ്കിൽ ക്യാഷ് ബാക്ക് റിവാർഡ് നിരക്കുകൾ എന്നിവയ്ക്ക് മുൻഗണന നൽകുന്ന കാർഡുകളാകണം എടുക്കേണ്ടത്.
ക്രെഡിറ്റ് കാർഡിന് വേണ്ടി ഏത് ബാങ്കാണ് തിരഞ്ഞെടുക്കേണ്ടത്
മിക്ക വാണിജ്യ ബാങ്കുകളും ക്രെഡിറ്റ് കാർഡുകൾ നൽകുന്നുണ്ട്. എന്നാൽ സേവിംഗ്സ് അക്കൗണ്ടുകളുള്ള ബാങ്ക് തിരഞ്ഞെടുക്കുന്നതാകും ഉചിതം. ഉപയോക്താവിന്റെ സാമ്പത്തിക സ്ഥിതി കണക്കിലെടുത്ത് ഒരു പ്രീ അപ്രൂവ്ഡ് ഓഫർ നൽകുന്നതിനുള്ള സാധ്യതയുമുണ്ട്. ഇത്തരം ഓഫറുകൾ പ്രോസസിംഗ് സമയവും പേപ്പർ വർക്കുകളും കുറയ്ക്കാൻ സഹായിക്കുന്നു.
ഏറ്റവും പ്രാധാന്യം അർഹിക്കുന്ന കാര്യം ബാങ്കുകൾ ഈടാക്കുന്ന ചാർജുകൾ മനസിലാക്കുക എന്നതാണ്. റിവാർഡുകളും ആനുകൂല്യങ്ങളും നൽകുന്നതിന് പുറമേ ബാങ്ക് എടുക്കുന്ന ചാർജുകളും കൃത്യമായി മനസിലാക്കേണ്ടതുണ്ട്. ഇഷ്യൂവൻസ് ചാർജുകൾ, പലിശ നിരക്ക് ചാർജുകൾ, വാർഷിക പുതുക്കൽ ഫീസ് എന്നിവ ചെലവുകളും ഓഫറുകളും വ്യക്തമായി മനസ്സിലാക്കുന്നതിന് സഹായിക്കും.സ്റ്റാർട്ടർ കാർഡുകളിൽ, ഇഷ്യൂവൻസ് ഫീസ് സാധാരണയായി ഉണ്ടാകാറില്ല.
