ചമ്പാരൻ : സ്വാതന്ത്ര്യദിനത്തിൽ ബീഹാറിലെ ഹൈസ്കൂളിൽ ഇസ്ലാമിക പതാക ഉയർത്തിയ കേസിൽ ഒരാൾ പിടിയിൽ. വെസ്റ്റ് ചമ്പാരനിലെ മജ്ഹൗലിയ പോലീസ് സ്റ്റേഷൻ പരിധിയിലാണ് സംഭവം.സ്വാതന്ത്ര്യദിനത്തിൽ രാവിലെ ഒമ്പത് മണിക്ക് ദേശീയ പതാക ഉയർത്തുന്നതിനിടെ ഇസ്ലാമിക പതാകയുമായി ചില മുസ്ലീം യുവാക്കൾ സ്കൂൾ വളപ്പിലേക്ക് കടക്കാൻ ശ്രമിച്ചു. അദ്ധ്യാപകരും നാട്ടുകാരും ഇവരെ ശക്തമായി എതിർത്തു . എങ്കിലും ഇവർ ഇസ്ലാമിക പതാകയും ഉയർത്തുകയായിരുന്നു .
ഇത് പ്രദേശത്ത് സംഘർഷാവസ്ഥ സൃഷ്ടിച്ചു. പോലീസിന്റെ വരവിനെ കുറിച്ച് സൂചന ലഭിച്ചയുടൻ യുവാക്കളിൽ ചിലർ അവിടെ നിന്നും ഓടി രക്ഷപ്പെട്ടു. എന്നാൽ, ഹസനെ പിടികൂടാൻ പോലീസിന് കഴിഞ്ഞു. സ്കൂൾ വളപ്പിൽ നിന്ന് 3 മതപതാകകൾ കണ്ടെത്തി. 24 കാരനായ ഷാഹിദ് ഹസൻ 11-ാം ക്ലാസ് വിദ്യാർത്ഥിയും ജോകതിയ ഗ്രാമത്തിലെ താമസക്കാരനുമാണ്. പതാക ഉയർത്തുന്നതിനിടെ ആക്ഷേപകരമായ ചില മുദ്രാവാക്യങ്ങളും ഉയർന്നതായി നാട്ടുകാർ പറയുന്നു.
Comments