ഇസ്ലാമബാദ്: ഷെയ്ൻ വാട്സണെ വിറപ്പിച്ച പാകിസ്താൻ പേസ് ബൗളർ വഹാബ് റിയാസ് അന്താരാഷ്ട്ര ക്രിക്കറ്റിൽ നിന്നും വിരമിക്കുന്നു. പാക് ദേശീയ ടീമിനായി 2020 ഡിസംബറിലാണ് വഹാബ് അവസാനമായി കളിച്ചത്. കായികമന്ത്രിയായി പഞ്ചാബ് പ്രവിശ്യയിൽ നിയമിച്ചതോടെയാണ് താരം സമൂഹമാദ്ധ്യമങ്ങളിലൂടെ വിരമിക്കൽ പ്രഖ്യാപനം നടത്തിയത്. അന്താരാഷ്ട്ര കരിയർ അവസാനിപ്പിച്ചെങ്കിലും ഫ്രാഞ്ചൈസി ക്രിക്കറ്റിൽ തുടരുമെന്നാണ് റിയാസ് അറിയിച്ചിരിക്കുന്നത്.
അന്താരാഷ്ട്ര പിച്ചുകളിൽ നിന്ന് ഒരുമഹത്തായ യാത്രയ്ക്ക് ശേഷം വിടവാങ്ങാൻ ഒരുങ്ങുകയാണ്. പാകിസ്താൻ ക്രിക്കറ്റ് ബോർഡിനും കൂടെ നിന്നവർക്കും നന്ദി. ഫ്രാഞ്ചൈസി ക്രിക്കറ്റ് ആവേശം ഉണർത്തുന്ന സമയമാണെന്നും പാക് താരം വ്യക്തമാക്കി. എന്റെ രാജ്യത്തിനായി ഞാൻ സേവനം അനുഷ്ഠിച്ചു. രണ്ട് വർഷമായി ഞാൻ വിരമിക്കലിനെ പറ്റി ആലോചിക്കുകയാണ്. മികച്ച താരങ്ങൾക്കൊപ്പം ഫ്രാഞ്ചസി ലീഗുകളിൽ തുടരുമെന്നും താരം അറിയിച്ചു.
One of the most iconic and fiery spells, one after another thunderbolt towards Shane Watson.🔥🥵
Happy Retirement Wahab Riaz. #WahabRiaz | #PakistanCricket | #CricketTwitter | #ShaneWatson | #Retirement pic.twitter.com/QVEEqFXtCi— GAFOOR GHISELA (@ParitoshK_2016) August 16, 2023
“>
പാകിസ്താനായി 27 ടെസ്റ്റുകളും 91 ഏകദിനങ്ങളും 36 ട്വന്റി 20 മത്സരങ്ങളും റിയാസ് കളിച്ചിട്ടുണ്ട്. 237 വിക്കറ്റുകളാണ് മൂന്ന് ഫോർമാറ്റുകളിലുമായി താരം അണിഞ്ഞത്. 2008 ലാണ് ആദ്യമായി താരം പാകിസ്താൻ ജേഴ്സിയിൽ കളിക്കളത്തിലിറങ്ങിയത്. 2015 ഏകദിന ലോകകപ്പിലെ വഹാബ് റിയാസിന്റെ പ്രകടനം ക്രിക്കറ്റ് പ്രേമികൾ മറക്കാനിടയില്ല. കങ്കാരുകളെ വെള്ളംകുടിപ്പിച്ച അത്യുഗ്രൻ സ്പെല്ലാണ് താരം കാഴ്ചവച്ചത്. മത്സരത്തിലുടനീളം ഓസ്ട്രേലിയൻ ബാറ്റർ ഷെയ്ൻ വാട്സൺ വഹാബിന്റെ ബൗൺസറുകൾക്ക് മുന്നിൽ മുട്ടിടിച്ചതും. പിന്നീട് അതൊരു ഉരസലിലേക്കും കളിയാക്കലിലേക്കും പോയതും കാണാമായിരുന്നു.
Comments