അഹമ്മദാബാദ്: ഗുജറാത്തിലെ ഗാന്ധിനഗറിൽ നടക്കുന്ന ജി 20 ആരോഗ്യമന്ത്രിമാരുടെ സമ്മേളനം പ്രധാനമന്ത്രി നരേന്ദ്രമോദി ഉദ്ഘാടനം ചെയ്യും. വിവിധ രാജ്യങ്ങളിൽ നിന്നായി എഴുപതോളം പ്രതിനിധികൾ സമ്മേളനത്തിൽ പങ്കെടുക്കും.
ഡിജിറ്റൽ ഹെൽത്ത്, മരുന്ന് ഉൽപാദന രംഗത്തെ ആധുനികവൽക്കരണം തുടങ്ങി വിവിധ വിഷയങ്ങളിൽ ഊന്നിയായിരിക്കും ചർച്ചകൾ പുരോഗമിക്കുക. മെഡിക്കൽ ഉപകരണങ്ങളുടെ നിർമ്മാണ രംഗത്ത് വിദേശനിക്ഷേപം വർദ്ധിക്കുന്നതായും കേന്ദ്ര ആരോഗ്യമന്ത്രി മൻസൂഖ് മാണ്ഡവ്യ പറഞ്ഞു.
ജി20 ആരോഗ്യമന്ത്രിമാരുടെ യോഗത്തിന്റെ ഫോക്കസ് ഇവന്റെന്ന നിലയിൽ സംയുക്ത ധനകാര്യ-ആരോഗ്യ മന്ത്രിമാരുടെ യോഗം നാളെ നടക്കും. ഇന്ത്യയുടെ ജി20 അദ്ധ്യക്ഷതയ്ക്ക് കീഴിൽ ഡിജിറ്റൽ ഹെൽത്ത് സംബന്ധിച്ച ഗ്ലോബൽ ഇനിഷ്യേറ്റീവും നാളെ ആരംഭിക്കും.
