വമ്പൻ ഓഫറുകളുമായി ഇന്ത്യയിൽ ഏറ്റവും കൂടുതൽ ഫൈബർ ബ്രോഡ്ബാന്റ് ഉപയോക്താക്കളുള്ള ജിയോഫൈബർ. ദീർഘകാല പ്ലാൻ തിരഞ്ഞെടുക്കുന്നവർക്കായി ജിയോ അധിക വാലിഡിറ്റി എന്ന ഓഫറാണ് നൽകുന്നത്.
ആറ് മാസത്തേക്കുള്ള പ്ലാനുകൾക്കും 12 മാസത്തേക്കുള്ള പ്ലാനുകൾക്കുമാണ് ജിയോഫൈബർ അധിക വാലിഡിറ്റി നൽകുന്നത്. എന്നാൽ പ്രതിമാസ, ത്രൈമാസ പ്ലാനുകൾക്ക് ഈ ഓഫർ ബാധകമായിരിക്കില്ല. ആറ് മാസത്തെ വാലിഡിറ്റിയുള്ള ജിയോഫൈബർ പ്ലാനുകൾ തിരഞ്ഞെടുക്കുന്ന ആളുകൾക്ക് 15 ദിവസത്തെ വാലിഡിറ്റിയാണ് അധികമായി ലഭിക്കുന്നത്. ആറ് മാസം കഴിഞ്ഞ് 15 ദിവസം കൂടി നിലവിലെ ആനുകൂല്യങ്ങൾ ലഭിക്കും. തിരഞ്ഞെടുക്കുന്ന വേഗതയും ഡാറ്റാ ലിമിറ്റും തന്നെയാകും നീട്ടികിട്ടുന്ന ദിവസങ്ങളിലും ലഭിക്കുക.
12 മാസത്തെ പ്ലാൻ തിരഞ്ഞെടുക്കുന്നവർക്ക് സമാന രീതിയിൽ 30 ദിവസത്തെ അധിക വാലിഡിറ്റിയാണ് ലഭിക്കുന്നത്. ജിയോഫൈബറിന് നിലവിൽ 30 എംബിപിഎസ് വേഗതയുള്ള പ്ലാനുകൾ 1 ജിബിപിഎസ് വേഗതയുള്ള പ്ലാനുകൾ വരെ ലഭ്യമാകും. ഉപയോക്താക്കൾക്ക് ഒടിടി ആനുകൂല്യങ്ങൾ നൽകുന്ന പ്ലാനുകൾ കൂടിയാണ് ഇവയെല്ലാം.
ജിയോഫൈബറിന്റെ വെബ്സൈറ്റ് സന്ദർശിച്ചാൽ പുതിയ കണക്ഷൻ എടുക്കാൻ കഴിയും. അടുത്തുള്ള ജിയോ റീട്ടെയിൽ സ്റ്റോറിലും ബന്ധപ്പെടാവുന്നതാണ്. സൗജന്യമായി ജിയോ സെറ്റ്-ടോപ്പ് ബോക്സുമായി വരുന്നതുമായ പ്ലാനുകളും ലഭ്യമാണ്.
