ട്വിസ്റ്റ്!! ചന്ദ്രയാൻ മൂന്നിന്റെ സോഫ്റ്റ് ലാൻഡിംഗ് സമയം മാറ്റിയതായി ഇസ്രോ; തത്സമയ ദൃശ്യങ്ങൾ കാണാൻ സുവർണാവസരം..

ഇന്ത്യയുടെ ചാന്ദ്ര ദൗത്യം ചന്ദ്രനെ തൊടുന്ന നിമിഷത്തിനായി കാത്തിരിക്കുകയാണ് ഓരോ പൗരനും. മുന്നോട്ട് വെക്കുന്ന ഓരോ ചുവടുവെപ്പും ഏറെ പ്രതീക്ഷയാണ് നൽകുന്നത്. ആകാംക്ഷകൾക്ക് വിരാമമിട്ട് ചന്ദ്രയാൻ 3 പേടകത്തിന്റെ വിക്രം ലാൻഡർ ഓഗസ്റ്റ് 23-ന് വൈകുന്നേരം 6.04-ന് ചാന്ദ്രോപരിത്തലത്തിൽ ഇറങ്ങുമെന്ന് ഇസ്രോ അറിയിച്ചു. നേരത്തെ 5.47-ന് ഇറങ്ങുമെന്നായിരുന്നു വിലയിരുത്തൽ.

ആശംസകൾക്കും പ്രതീക്ഷകൾക്കും നന്ദി, ഇനി മുന്നോട്ടുള്ള യാത്ര ഒന്നിച്ചാകാം… ഇന്ത്യയുടെ അഭിമാന പേടകം ചന്ദ്രനിലിറങ്ങുന്നതിന്റെ തത്സമയ ദൃശ്യങ്ങൾ കാണാൻ ജനങ്ങൾക്കും അവസരമുണ്ടാകുമെന്നും ഐഎസ്ആർഒ അറിയിച്ചു. www.isro.gov.in , www.youtube.com,  www.facebook.com/ISRO എന്നിവയിലൂടെ ലാൻഡർ ഇറങ്ങുന്നത് വീക്ഷിക്കാവുന്നതാണ്.

Chandrayaan-3 Mission:

🇮🇳Chandrayaan-3 is set to land on the moon 🌖on August 23, 2023, around 18:04 Hrs. IST.

Thanks for the wishes and positivity!

Let’s continue experiencing the journey together
as the action unfolds LIVE at:
ISRO Website https://t.co/osrHMk7MZL
YouTube… pic.twitter.com/zyu1sdVpoE

— ISRO (@isro) August 20, 2023

ചന്ദ്രയാൻ മൂന്ന് ലാൻഡറിന്റെ മൂന്നാമത്തേതും അവസാനത്തേതുമായ ഭ്രമണപഥ താഴ്‌ത്തലും വിജയകരമായിരുന്നു. ഇന്ന് പുലർച്ചെ രണ്ട് മണിയോടെയായിരുന്നു ഇത്. ഇതോടെ പേടകം ഇപ്പോൾ ചന്ദ്രനിൽ നിന്ന് 25 കിലോമീറ്റർ അടുത്ത ദൂരവും 154 കിലോമീറ്റർ അകന്ന ദൂരവും ആയിട്ടുള്ള ഭ്രമണപഥത്തിലെത്തി. ഇനി സോഫ്റ്റ് ലാൻഡിംഗിനുള്ള തയ്യാറെടുപ്പിലാണ്.