ഇന്ത്യയുടെ മൂന്നാമത്തെ ചാന്ദ്ര ദൗത്യമായ ചന്ദ്രയാൻ -3 ആഗസ്റ്റ് 23നാണ് ചന്ദ്രന്റെ ദക്ഷിണ ധ്രുവത്തിൽ സോഫ്റ്റ് ലാൻഡിംഗ് ചെയ്യുക . ഓരോ ഇന്ത്യക്കാരനും അഭിമാനത്തോടെ കാത്തിരിക്കുകയാണ് ആ നിമിഷങ്ങൾക്കായി . ചന്ദ്രയാൻ ദൗത്യത്തിന്റെ വിജയത്തിനായി പ്രാർത്ഥിക്കുന്നുവെന്നാണ് മഹീന്ദ്ര ഗ്രൂപ്പ് ചെയർമാൻ ആനന്ദ് മഹീന്ദ്ര ട്വീറ്റ് ചെയ്തിരിക്കുന്നത് .
ചന്ദ്രയാൻ -3 ദൗത്യം ലാൻഡിംഗ് സമയത്ത് താൻ വീക്ഷിക്കുകയും പ്രാർത്ഥിക്കുകയും ആഹ്ലാദിക്കുകയും ചെയ്യുമെന്ന് മഹീന്ദ്ര ഗ്രൂപ്പ് ചെയർമാൻ പറഞ്ഞു. “ഓഗസ്റ്റ് 23 ന്. 6.04 PM IST. ഞാൻ നിരീക്ഷിക്കും. പ്രാർത്ഥിക്കുന്നു. ഒപ്പം നിങ്ങളെയും സന്തോഷിപ്പിക്കും…” ആനന്ദ് മഹീന്ദ്ര പറഞ്ഞു.
രാജ്യത്തിന്റെ ചാന്ദ്രദൗത്യത്തിനെ ആനന്ദ് മഹീന്ദ്ര പ്രകീർത്തിക്കുന്നത് ഇതാദ്യമല്ല. തന്റെ മുൻ ട്വീറ്റുകളിൽ, ചന്ദ്ര പര്യവേക്ഷണ ദൗത്യത്തിനായി ചെലവഴിക്കുന്ന പണത്തെക്കുറിച്ചുള്ള വ്യത്യസ്ത വീക്ഷണങ്ങളെ അദ്ദേഹം പ്രതിരോധിച്ചു. “ബഹിരാകാശ പര്യവേഷണത്തിലെ പരിശ്രമത്തെയും ചെലവിനെയും ന്യായീകരിക്കുന്നത് , ഇത് വിജയിച്ചാൽ സാങ്കേതികവും വാണിജ്യപരവുമായ നേട്ടങ്ങളുണ്ട്. കണ്ടെത്തലിന്റെയും പര്യവേക്ഷണത്തിന്റെയും മാന്ത്രികത നമ്മിൽ പ്രചോദിപ്പിക്കുന്നു. ഞങ്ങളുടെ സ്വപ്നങ്ങളെ ജ്വലിപ്പിച്ചതിന് @isro നന്ദി.”- എന്നും മുൻപ് അദ്ദേഹം ട്വീറ്റ് ചെയ്തിരുന്നു.
ഇന്ത്യൻ അഭിമാനനേട്ടത്തെ ശത്രുരാജ്യങ്ങൾക്ക് മുന്നിൽ പോലും ഇകഴ്‌ത്തിക്കാട്ടാൻ ശ്രമിക്കുന്ന പ്രകാശ് രാജിനെ പോലെയുള്ളവർക്ക് മുന്നിൽ മാതൃകയാണ് ആനന്ദ് മഹീന്ദ്ര.
