വിദേശ പഠനമാണോ ലക്ഷ്യം, പറക്കാം സ്‌കോളർഷിപ്പോടെ; കുറഞ്ഞ ചെലവിൽ മികച്ച വിദ്യാഭ്യാസം നൽകുന്ന രാജ്യങ്ങൾ ഇവ

നമ്മിൽ ബഹുഭൂരിപക്ഷവും വിദേശത്ത് പോയി പഠിക്കാൻ ഇഷ്ടപ്പെടുന്നവരായിരിക്കും. എന്നാൽ പണത്തിന്റെ അഭാവമാണ് പലപ്പോഴും സാധാരണക്കാരെ വേട്ടയാടുന്നത്. സാധാരണക്കാർക്കും സ്വപ്നം സാക്ഷാത്കരിക്കാൻ അവസരമൊരുക്കുന്ന രാജ്യങ്ങളുമുണ്ട്. കുറഞ്ഞ ചെലവിൽ മികച്ച വിദ്യാഭ്യാസം ലഭിക്കുന്ന രാജ്യങ്ങളുടെ കണക്കുകൾ സർക്കാർ പുറത്തുവന്നിട്ടുണ്ട്.

സർക്കാർ പുറത്തുവിട്ട കണക്കുകൾ പ്രകാരം, വിദേശത്ത് പഠിക്കുന്ന ഇന്ത്യൻ വിദ്യാർത്ഥികൾ യുഎസിൽ (4,65,791), ഓസ്ട്രേലിയ (1,00,009), യുണൈറ്റഡ് അറബ് എമിറേറ്റ്സ് (1,64,000), യുകെ (55,465)എന്നീങ്ങനെയാണ്. ഈ രാജ്യങ്ങളിൽ പ്രധാനമായും ജീവിത ചെലവുകൾ, ട്യൂഷൻ ഫീസ്, ഗതാഗത ചെലവുകൾ, വിസ ചെലവുകൾ എന്നിവയാണ് ആദ്യമായി പോകുന്ന ഒരു വ്യക്തി നേരിടാൻ പോകുന്ന കാര്യങ്ങൾ. വിദേശത്ത് പോയി പഠിക്കാൻ ചെലവേറുമെന്ന കാരണത്താൽ ആ പദ്ധതി ഉപേക്ഷിക്കാൻ നിൽക്കുന്നവരാണ് നിങ്ങൾ എങ്കിൽ ഇനി പേടിക്കേണ്ട. വിദ്യർത്ഥികൾക്കായി നിരവധി സ്‌കോളർഷിപ്പുകളും സർക്കാർ നൽകുന്നുണ്ട്. വിദേശത്തെ പഠന ചെലവുകൾ ഒരു വർഷത്തേക്ക് എങ്ങനെയെന്ന് നോക്കാം..

യുണൈറ്റഡ് സ്‌റ്റേറ്റ്‌സ്: 10,000 ഡോളർ- 18,000 ഡോളർ

യുണൈറ്റഡ് കിംഗ്ഡം: 17,000 ഡോളർ

കാനഡ: 11,800 ഡോളർ-15,750 ഡോളർ

ഓസ്‌ട്രേലിയ: 14,290 ഡോളർ- 19,288 ഡോളർ

ഈ കണക്കുകൾ കണ്ടും കേട്ടും ഞെട്ടേണ്ട, കാരണം വിദ്യാഭ്യാസ ചെലവുകൾ ലഘൂകരിക്കാനായി വിവിധ സ്‌കോളർഷിപ്പുകളും ലഭിക്കുന്നതണ്. അവയിൽ ചിലത് ഇതാ..

1 ഫുൾബ്രൈറ്റ്-നെഹ്റു മാസ്റ്റേഴ്‌സ് ഫെലോഷിപ്പുകൾ

ഫുൾബ്രൈറ്റ്-നെഹ്‌റു മാസ്റ്റേഴ്‌സ് ഫെല്ലോഷിപ്പുകൾ യുഎഎസിൽ പോയി പഠിക്കുന്നതിനായി ഇന്ത്യൻ വിദ്യാർത്ഥികൾക്ക് നൽകുന്ന ഒന്നാണ്. 1-2 വർഷമാണ് ഈ ഫെല്ലോഷിപ്പിന്റെ കാലാവധി. ജേണലിസം ആൻഡ് മാസ് കമ്മ്യൂണിക്കേഷൻ, പരിസ്ഥിതി പഠനം, സാമ്പത്തിക ശാസ്ത്രം, പൊതു ജനാരോഗ്യം തുടങ്ങിയ മേഖലകളിലേക്കാണ് ഫെല്ലോഷിപ്പ് അനുവദിക്കുന്നത്.

2 ഫുൾബ്രൈറ്റ്-നെഹ്റു ഡോക്ടറൽ റിസർച്ച് ഫെലോഷിപ്പുകൾ

യുഎസിൽ ഗവേഷണം ചെയ്യാൻ ആഗ്രഹിക്കുന്ന വിദ്യാർത്ഥികൾക്കായുള്ള ഫെല്ലോഷിപ്പാണിത്. 6 മാസം മുതൽ 9 മാസം വരെയാണ് ഇതിന്റെ കാലാവധിയായി കണക്കാക്കുന്നത്.

3 നാഷണൽ ഓവർസീസ് സ്‌കോളർഷിപ്പ്

വിദേശത്ത് പഠിക്കാനുള്ള ഇന്ത്യൻ ഗവൺമെന്റിന്റെ സ്‌കോളർഷിപ്പുകളിൽ ഒന്നാണ് നാഷണൽ ഓവർസീസ് സ്‌കോളർഷിപ്പ്. വിദേശത്ത് ഉന്നത പടനം ആഗ്രഹിക്കുന്ന പട്ടികജാതി, ഭൂരഹിതരായ കർഷകത്തൊഴിലാളികൾ, പരമ്പരാഗത കരകൗശലത്തൊഴിലാളികൾ എന്നീ വിഭാഗങ്ങളിൽ നിന്നുള്ള താഴ്ന്ന വരുമാനക്കാരായ വിദ്യാർത്ഥികൾക്ക് ഈ സ്‌കോളർഷിപ്പ് പ്രയോജനപ്പെടുത്താവുന്നതാണ്. 2 വർഷമാണ് കാലാവധി.

യോഗ്യത:

• * അവസാന അക്കാദമിക് ബിരുദത്തിൽ 55% മാർക്ക്
  * പ്രായം: 35 വയസ്സിൽ താഴെയായിരിക്കണം
  * കുടുംബ വരുമാനം: പ്രതിവർഷം 6,00,000 താഴെ