ഇടുക്കി: പെരിയാർ കടുവ സങ്കേതത്തിൽ കടുവ കുഞ്ഞിനെ ചത്ത നിലയിൽ കണ്ടെത്തി. വള്ളക്കടവ് റേഞ്ചിലെ അരുവിയോട് ഭാഗത്താണ് ജഡം കണ്ടെത്തിയത്. കടുവയുടെ മൃതദേഹത്തിന് ഒരാഴ്ചയോളം പഴക്കമുണ്ട്.
രണ്ട് വയസ് പ്രായമുള്ള കടുവയാണ് ചത്തതെന്ന് കണ്ടെത്തിയിട്ടുണ്ട്. ദേശീയ കടുവ സംരക്ഷണ അതോറിറ്റിയുടെ മാനദണ്ഡങ്ങൾ പ്രകാരം കടുവയുടെ പോസ്റ്റുമോർട്ടം നടത്തും.
അടുത്തിടെ പെരിയാർ കടുവാ സങ്കേതത്തിൽ ഉണ്ടായിരുന്ന കടുവ മരങ്ങൾക്കിടയിൽ കുടുങ്ങി ചത്തിരുന്നു. നാല് വയസുള്ള കടുവയാണ് ചത്തത്. ഇരയെ പിടിക്കുന്നതിനിടെ മരത്തിനിടയിൽ കുടുങ്ങിയ കടുവയ്ക്ക് ഹൃദയാഘാതം സംഭവിച്ചിരുന്നു. മരത്തിൽ കുടുങ്ങിയ കടുവയ്ക്ക് പുറത്ത് കടക്കാൻ സാധിക്കാതെ ദിവസങ്ങൾ പിന്നിട്ടതോടെ മരണം സംഭവിക്കുകയായിരുന്നു.
