ചന്ദ്രയാൻ-3 ന്റെ അഭിമാന വിജയം 140 കോടി ഇന്ത്യക്കാർക്കും അവകാശപ്പെട്ടതാണ്. ഓരോ ഇന്ത്യക്കാരന്റെ പ്രാർത്ഥനയും പ്രോത്സാഹനയും വിജയത്തിന് പിറകിലുണ്ട്. 140 കോടിയുടെ പ്രതീക്ഷ യാഥാർത്ഥ്യമാക്കാൻ ആയിരക്കണക്കിന് ശാസ്ത്രജ്ഞരാണ് ഊണും ഉറക്കവും ഉപേക്ഷിച്ച് മിഷനായി പ്രവർത്തിച്ചത്. ഇതിൽ എടുത്തു പറയേണ്ട സ്ത്രീ സാന്നിദ്ധ്യമാണ് ചന്ദ്രയാൻ-3 ഡെപ്യൂട്ടി പ്രൊജക്റ്റ് ഡയറക്ടർ കെ. കൽപ്പനയുടേത്. മംഗൾയാൻ, ചന്ദ്രയാൻ-2 മിഷനുകളുടെ ഭാഗമായും അവർ പ്രവർത്തിച്ചിട്ടുണ്ട്.
1980 ൽ ബെംഗളൂരുവിൽ ജനിച്ച കൽപ്പനയ്ക്ക് ചെറുപ്പം മുതൽ ആകാശത്തോടും നക്ഷത്രങ്ങളോടും അടങ്ങാത്ത ആവേശമുണ്ടായിരുന്നു. സ്കൂൾ പഠനകാലത്ത് ഗണിതത്തിലും ശാസ്ത്രത്തിലും ശക്തമായ അഭിരുചി ഉണ്ടായിരുന്നു. ഉന്നത ബഹുമതികളോടെ സ്കൂൾ വിദ്യാഭ്യാസം പൂർത്തിയാക്കിയ കൽപന ഖരഗ്പൂരിലെ ഇന്ത്യൻ ഇൻസ്റ്റിറ്റ്യൂട്ട് ഓഫ് ടെക്നോളജിയിൽ (ഐഐടി) നിന്ന് എയറോനോട്ടിക്കൽ എഞ്ചിനീയറിംഗിൽ ബിരുദം നേടി.
2003-ലാണ്, കൽപ്പന ശാസ്ത്രജ്ഞയായി ഐഎസ്ആർഒയിൽ എത്തുന്നത്. ആദ്യ വർഷങ്ങളിൽ, വിവിധ സാറ്റലൈറ്റ് പ്രോജക്ടുകളിലായിരുന്നു പ്രവർത്തിച്ചത്. നിരവധി ആശയവിനിമയ, റിമോട്ട് സെൻസിംഗ് ഉപഗ്രഹങ്ങളുടെ വിജയകരമായ വിക്ഷേപണത്തിൽ അവർ ഒരു പ്രധാന പങ്ക് വഹിച്ചു. കൃത്യമായ സാറ്റലൈറ്റ് പൊസിഷനിംഗിനായി പ്രൊപ്പൽഷൻ സംവിധാനങ്ങൾ ഒരുക്കുന്നത് മുതൽ ഭൂമിയുടെ ഉയർന്ന റെസല്യൂഷൻ ചിത്രങ്ങൾ പകർത്താൻ സഹായിക്കുന്ന നൂതന ഇമേജിംഗ് ഉപകരണങ്ങൾ രൂപകൽപന ചെയ്യുന്നത് വരെ കൽപ്പന മുൻപന്തിയിൽ ഉണ്ടായിരുന്നു.
കൽപ്പനയിലെ അസാധാരണമായ കഴിവുകൾ തിരിച്ചറിഞ്ഞ ഐഎസ്ആർഒ, 2010-ൽ മാർസ് ഓർബിറ്റർ മിഷന്റെ (മംഗൾയാൻ) പ്രൊജക്റ്റ് ലീഡിലേക്ക് അവരെ നിയമിച്ചു. ഇന്ത്യയുടെ ആദ്യ ഗ്രഹാന്തര ദൗത്യം എന്ന നിലയിൽ ഐഎസ്ആർഒയ്ക്ക് ഇതൊരു നാഴികക്കല്ലായ പദ്ധതിയായിരുന്നു. കൽപ്പനയുടെ നേതൃത്വത്തിൽ, 2014-ൽ ചൊവ്വയുടെ ഭ്രമണപഥത്തിൽ പ്രവേശിച്ച് മംഗൾയാൻ ശ്രദ്ധേയമായ വിജയം കൈവരിച്ചു.
തന്റെ തിരക്ക് പിടിച്ച ജീവിതത്തിനിടയിലും യുവ ശാസ്ത്രജ്ഞർക്ക് ആവശ്യമായ ഉപദേശം നൽകാനും സംവദിക്കാനും ഇവർ പ്രത്യേകം സമയം കണ്ടെത്തി. ബഹിരാകാശ ശാസ്ത്രത്തിലെ അസാധാരണമായ സംഭാവനകൾക്ക് പത്മശ്രീ നൽകി രാജ്യം ആദരിച്ചിട്ടുണ്ട്. നിരവധി ഡോക്യുമെന്ററികളിലും പുസ്തകങ്ങളും കൽപ്പനയെ കുറിച്ച് രചിക്കപ്പെട്ടിട്ടുണ്ട്.
