ഭുവനേശ്വർ: ഇന്ത്യയുടെ അഭിമാന ദൗത്യം ചിറകിലേറ്റി കുതിച്ചുയർന്ന ചന്ദ്രയാൻ മൂന്നിന്റെ സോഫ്റ്റ് ലാൻഡിംഗിൽ അഭിനന്ദനങ്ങൾ അറിയിച്ച് ഒഡീഷ മുഖ്യമന്ത്രി നവീൻ പട്നായിക്കും കേന്ദ്രമന്ത്രി അർജുൻ മുണ്ടയും. എക്സിലൂടെയാണ് ഇരുവരും ഐഎസ്ആറോയ്ക്ക് അഭിനന്ദനങ്ങൾ നേർന്ന് രംഗത്തെത്തിയത്.
‘ഇന്ത്യയ്ക്ക് മഹത്തായ ശാസ്ത്ര നേട്ടം. ഈ ചരിത്ര പദ്ധതിയിൽ പങ്കാളികളായ എല്ലാ ശാസ്ത്രജ്ഞരെയും മറ്റ് വിദഗ്ധരെയും ഞാൻ അഭിനന്ദിക്കുന്നു. നവീൻ പട്നായിക് അഭിനന്ദനങ്ങൾ അറിയിച്ചുകൊണ്ട് എക്സിൽ(‘ട്വിറ്റർ) കുറിച്ചു.
‘ഈ വിജയം നമ്മുടെ ശാസ്ത്രജ്ഞരുടെ കഠിനാധ്വാനത്തിന്റെ ഫലമാണ്, ഇപ്പോൾ ഈ നേട്ടം
കൈവരിച്ച ചുരുക്കം ചില രാജ്യങ്ങളിൽ ഞങ്ങളും ഉണ്ടെന്ന് അഭിമാനത്തോടെ പറയാൻ കഴിയും.’- എന്ന് കേന്ദ്രമന്ത്രി അർജുൻ മുണ്ട എക്സിൽ കുറിച്ചു.
ചന്ദ്രയാൻ മൂന്നിന്റെ സോഫ്റ്റ് ലാൻഡിംഗിന് പിന്നാലെ വൻ അഭിനന്ദന പ്രവാഹമാണ് ലോകത്തിന്റെ വിവിധ ഭാഗങ്ങളിൽ നിന്നും ഇന്ത്യയ്ക്ക് ലഭിച്ചുകൊണ്ടിരിക്കുന്നത്. റഷ്യൻ പ്രസിഡന്റ് വ്ളാദിമിർ പുടിൻ, അമേരിക്കൻ വൈസ് പ്രസിഡന്റ് കമല ഹാരിസ് എന്നിവർ പ്രശംസയുമായി രംഗത്തുവന്നു. വിദേശ ബഹിരാകാശ ഏജൻസികളും ഐഎസ്ആർഒയെ അഭിനന്ദനങ്ങൾ അറിയിച്ചു.
