ഓണം റിലീസായി എത്തി തിയറ്ററുകളിൽ സമ്മിശ്ര പ്രതികരണം നേടി മുന്നേറുന്ന ചിത്രമാണ് കിംഗ് ഓഫ് കൊത്ത. ദുൽഖർ സൽമാൻ നായകനായ ചിത്രം അഭിലാഷ് ജോഷിയാണ് സംവിധാനം ചെയ്തത്. ദുൽഖറിനൊപ്പം ഐശ്വര്യ ലക്ഷ്മി, അനിഖ സുരേന്ദ്രൻ എന്നിവരും ചിത്രത്തിൽ പ്രധാനവേഷങ്ങളിൽ എത്തുന്നുണ്ട്. ദുൽഖറിന്റെ സഹോദരിയുടെ കഥാപാത്രത്തെയാണ് അനിഖ അവതരിപ്പിച്ചിരിക്കുന്നത്.
ഇപ്പോഴിതാ നടി അനിഖാ സുരേന്ദ്രൻ സിനിമ കാണാൻ എത്തിയ ചിത്രങ്ങളാണ് സോഷ്യൽ മീഡിയയിൽ ചർച്ചയായിരിക്കുന്നത്. സുഹൃത്തുക്കൾക്കൊപ്പം മാസ്ക് ധരിച്ചാണ് താരം എത്തിയത്. ചിത്രം കണ്ടിറങ്ങിയ ആരാധകരുടെ ആവേശം നേരിട്ട് അറിയാനാണ് എത്തിയതെന്നും താരം പറഞ്ഞു.
ചിത്രം കണ്ടിറങ്ങിയ ശേഷം അനിഖ തന്നെയാണ് ആരാധകർക്കൊപ്പമുള്ള ചിത്രങ്ങൾ സമൂഹ മാദ്ധ്യമങ്ങളിൽ പങ്കുവെച്ചത്. മികച്ച തിയറ്റർ അനുഭവമായിരുന്നു കിംഗ് ഓഫ് കൊത്ത. സിനിമയോടുള്ള ആളുകളുടെ ആവേശം നേരിട്ട് കാണാൻ വേണ്ടിയായിരുന്നു എത്തിയത്. എക്കാലത്തെയും മികച്ച തിയറ്റർ അനുഭവമായിരുന്നു ചിത്രം നൽകിയത്. ഈ വമ്പൻ ചിത്രത്തിൽ ഒരു ചെറിയ ഭാഗമാകാൻ സാധിച്ചത് വലിയ ഭാഗ്യമായി കരുതുന്നെന്നും അനിഖ ചിത്രത്തിനൊപ്പം കുറിച്ചു.
