ജയ്പൂർ: ഭീകരവാദ പ്രവർത്തനവുമായി ബന്ധപ്പെട്ട് രണ്ട് ഭീകരരെ അറസ്റ്റ് ചെയ്ത് ദേശീയ അന്വേഷണ ഏജൻസി. 2022-ൽ രജിസ്റ്റർ ചെയ്ത കേസിൽ മുഹമ്മദ് യൂനിസ്, ഇമ്രാൻ ഖാൻ എന്നിവരാണ് എൻഐഎയുടെ പിടിയിലായത്.
രാജസ്ഥാനിലെ ചിറ്റോർഗഡ് ജില്ലയിൽ നിന്ന് വൻതോതിൽ സ്ഫോടക വസ്തുക്കളും ഐഇഡിയും പിടിച്ചെടുത്ത കേസിലെ പ്രധാന പ്രതികളാണ് ഇവർ. പ്രതികൾക്ക് ഐഎസ് ഭീകര സംഘടനയുമായി ബന്ധമുണ്ടെന്നും സ്ഫോടനം നടത്താൻ ഗൂഢാലോചന നടത്തിയതായും അന്വേഷണ ഏജൻസി കണ്ടെത്തിയിട്ടുണ്ട്.
